20. 01. 2017
  • Dansk
  • Kalaallisut
Friday, January 6, 2017 - 08:32

Katsorsaasut sivisuumik ilinniartarput

Assi.: Leiff Josefsen
Randi Vestergaard Evaldsenip § 37 naapertorlugu Naalakkersuisunut apeqquteqarnermini maanna akissutisereerpoq

Annilaanganak, Atornerluinermik Paasissutissanik Katersuivik Siusinaartumillu Iliuuseqartut taama oqariartuuteqarput, atornerluisunut inuit saaffiginniffissat katsorsaasuussanngillat.

Demokraatit siulittaasuat Randi Vestergaard Evaldsen, atornerluisut katsorsarneqartarnerisa pitsaassusaannut ernumassuteqarpoq, taamaattumillu atornerluisut sapaatip akunnerini marlunni pikkorissarneq tunuliaqutigalugu katrsorsarneqartarnissaa aarlerissutiginnginneraat, Naalakkersuisunut apeqqutigaa. 

- Tamanna paatsoorneruvoq, nakorsatut siunnersortaaneq Birgit Niclasen, Allorfimmeersoq oqarpoq, taanna Atornerluinermik Paasissutissanik Katersuiviuvoq Siusinaartumillu Iliuuseqarfiulluni.

Atuaruk: Katsorsaaneq pillugu pikkorissarneq naammanngilaq

Atornerluisut inuit saaffiginniffissaat sapaatip akunnerini marlunni pikkorissartarnerat ilumoorpoq, kisianni taakku katsorsaanermik suliaqanngillat.

- MNP-mik ilinniarneq suliffeqarfinni naminersortuni pisortallu suliffeqarfiutaanni sulisunut ilinniagassaavoq, taakku sullitaminnut suliffimminnullu atatillugu atornerluinermik pinaveersaartitseqataallutillu katsorsartinnissamut kajumissaasuussapput. Taakku aamma suliffiup nammineq aqutsinerata malittarisassaatalu akissussaaffiup ataani sulisuussapput, Birgit Niclasen oqarpoq.

Katsorsaasut allamik ilinniagaqarput
Atornerluisunut inuit sullissisut pinaveersaartitsinermut ikiuutissapput, assersuutigalugu atornerluisut katsorsarneqarnissaannut tapersersorlugit, allallu katsorsaanermut akisussaasuussapput.

Atuaruk: Suleqatit imigassarsunnippa?

- Atornerluisunik katsorsaasut atornerluisunik katsorsaassapput, soorunalimi tamatumunnga ilinniagaqartuussapput. Peqqissaanermik Ilinniarfimmi katsorsaasutut ilinniarneq ingerlanneqartoq, Peqqissutsimut aqutsisoqarfiup imigassamik atornerluisunut katsorsaanermut ilinniarfianit aaqqissuussaavoq. Suliassaqarfimmut attuumassutilinnut, soorlu perorsaasutut, ilinniartitsisutut, peqqissaasutut imaluunniit inunnik isumaginninnermut siunnersortitut bacheloritut ilinniarnerup qaavatigut ilinniarneruvoq, Birgit Niclasen naqissusiivoq.

Atornerluisunut katsorsaasut siulliit Peqqissaanermik Ilinniarfimmi decembarimi 2016-imi naammassipput, maannalu atuuffitsik aallartissavaat.

Seneste nyheder