katitikkat
Katiteraluni nunatsinnik assilialiat eqqumiitsorsiarineqartut
Eqqumiitsuliortup ilisimaneqanngitsup Kalaallit Nunaat assilillugu katitsikkanik Københavnimi nivinngaassuisimavoq. Sumiiffiit 17-it maanna nalunaarsorneqarsimapput
Københavnimi Kalaallit Illuutaata eqqumiitsuliaq illup isaariaanut nivinngarneqarsimasoq nalunaarutigimmagut, eqqumiitsulianik assingusunik Københavnimi nivinngaassorneqarsimasunik assinik nassiussuisoqarpoq.
Nunatsinnut attuumassuteqartoq
Katiterlugu assilialiaq Kalaallit Nunaannik takutitsisoq, sumiiffinni arlalinni avannaanut attuumassuteqartunut nivinngarneqarsimavoq.
- Assilialiat 17-it maanna kisissimalerpagut. Taakku amerlanerit arlaatigut Kalaallit Nunaannut attuumassuteqartunut nivinngarneqarsimapput, soorlu Nordatlantens Brygge, Trangravsbroen, Godthåbsvej aamma Nordisk Filmip ilisarnaataani nannup eqqaani Frederiksberg Biografimi, Kalaallit Illuutaat nutaarsiassaatiminni allapput.
Sumiiffinni allani eqqumiitsuliaq Kalaallit Nunaannut attuumassuteqarneranik takusassaqanngitsumi takuneqarsinnaavoq - soorlu Hyltebjerg Allé, Fredens Bro, Tomsgårdsvej aamma Frederikssundsvejip eqqaani.
Eqqumiitsulianik alakkarterineq
Kalaallit Illuutaata taakku nivinngarneqarsimasut 17-it sumiiffii tamaasa googlemi nunap assinganut nalunaarsorsimavai, soqutiginnittut Købebhavnimi alakkarterisinnaaniassammata.
Assinga takuuk: Katitikkat assilialiat sumiiffii 17-it uaniipput