Skip to main content

Katikkamik atisatik attartoraat

Sunaluunniit piareersimanngilaq, katittariaqarpulli. Tamanna sakiata aalajangerpaa, taamatullu pisoqarpoq. Siorna aappariinnerminni 50-inngortorsiorput.

- Aappariinnerput allatut ittumik aallartippoq.

Ukiut 51-ingajaat matuma siornagut katinnini pillugu 70-inik ukiullip Henriethe Lundbladip oqaluttuani taamatut aallarnerpaa.

Septembarip 11-ani 1967-imi 19-inik ukioqarluni angutaatini Looqi Lundblad peqatigalugu aggerfimminit Qasigiannguanit angutaatinilu nunaqarfianut Kangaatsiamut angalavoq.

Siunertaavoq ernermik ataatsimik qaammateqalersup ilaqutaanut takutinnissaa. Tulluussimaartumillu takutinnissaa allarluinnarmik inerneqarpoq.

Tikeraarnerannimi sapaatit akunnera ataaseq qaangiummat Kangaatsiamut palasimik tikittoqarpoq.

- Arfininngornikkut tikippoq Looqillu angutaa iserluni oqarpoq: ‘Aqagu katissaasi. Palasi tikippoq’.

Tamanna oqaloqatigiissutigisimanngilarput, Henriethe maanna ukiut 50-it sinnerlugit qaangiunneranni oqaluttuarpoq, oqaluttuarineranilu suli annilaarsimarpalulluni oqaluttuaralugu. Qungujulaarporli.

- Palasi ornilerpara oqarfigalugu aqagu katissasusi, sakissaa taamatut oqarsimavoq.

– Akueriinnarpaalu, oqarpoq uini niaqquminik tikkuarlugu.

- Oqaaseqanngivippunga. Qalianukaannarpunga qissaserlungalu. Tupaqaangami. Angajoqqaama naluaat ilaquttamilu tamarmik naluaat. Taamanikkulli taamaattarsimagunarput, oqarpoq.

Suulli tamarmik ajunngitsumik inerneqarput, aappariillu ukiunik 50-nngortorsiorput.

Henrithep oqaluttuaa tamakkiisoq atuagassiami Arnanumi saqqummersumi atuarsinnaavat. Atuagassiap Arnanup saqqummernermini tamani arnanik utoqqarnik oqaluttuartitsisarput qulequtaralugu ‘Aanaa oqaluttuarpoq’.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER