Katersuiniarneq
Katersuiniarnermik suliniummut tunissut kusanartoq
Kraemers Grønlandsfondip Karo Streetip Kalaallit Nunaanni isorliunerusunut katersuiniarnera annaappaa
Karo Streetip suliniutaa "Kalaallit Nunaanni isorliunerusut ikiortigik" pisariaqartinneqaqisumik tapiiffigineqarpoq!
Kraemers Grønlandsfondip siulittaasuata Else Mikkelsenip, Kalaallit Nunaanneersuusup, Karo Street nalunaarfigisimavaa, aningaasaateqarfiup Kalaallit Nunaanni isorliunerusunut katersuiniarnermik suliniut 25.000 koruuninik tunissuteqarfiginiaraa. Aningaasaateqarfiup piumasaraa aningaasat Aalborgimi Kalaallit Illuannit aqunneqassasut, Kalaallit Illuatalu siunertaq pitsaasoq tapersersorusuppaa, siulittaasup Lise-Lottep Terpip oqarneratut. Karo Street taamaattumik nuannaarlunilu oqiliallassimavoq.
Karo Streetip suliniutaa pillugu matumani annerusumik atuarit.
Ikiorsiissutinik pisartagaqartoq
Karo Streetip suliniut tamakkiisumik uummateqarluni ukiup ataatsip missaani ingerlassimavaa piffissamilu kingullermi suna tamaat taamaatiinnangajassimallugu, nammineq ileqqaakkani aamma nungummata. Karo Street atisanik atortunillu pitsaasunik innuppassuarnit suliniummut tunissutigiumaneqartunik aallertarnermik katersisarnermillu suliami ingerlateqqinnissaanut qilanaarpoq. Danmarkimi sumiiffinni assigiinngitsuni bankortitsisarpoq suliffeqarfiit inuinnaallu tunissutaannik eqqugassartalimmik. Inuppassuit atisanik atortunillu atorunnaakkaminnik pitsaasunik suli tunissuteqartarput. Taamaalilluni Danmarkimi angalaarsinnaanngorpoq nunalu tamakkerlugu toqqorsivinnut pigisaminut tunissutinik aallersinnaanngorluni.
Royal Arctic Line aningaasaleeqataavoq nassiussallu amerliartuinnartut akeqanngitsumik assartortarlugit. Nassiussat tulliuttut Qaanaamut, Ittoqqortoormiinut Tasiilamullu ingerlasussat piareersarneqaleruttorput. Ukiuunerani imaatigut angallanneq matutinnagu apuunniartussaapput.
Suliniuteqarluartoq pillugu maani annerusumik atuarit