Karl Lyberth, tunuarit

- Pissutsit taamaatsillugit avaqqunneqarsinnaanngilaq neriorsuilussinnarnerit pisimapput, Naalakkersuisut isumaqatigiissutaat unioqqutinneqarpoq malinneqanngilaq, Siumup politikkini tikeqqissaguniuk, Aalisarnermut Naalakkersuisoq Karl Lyberth, Naalakkersiusut tunuartittariaqarpaat, Sinerissamut, Qanittumi, Aalisartut, Piniartullu, Kattuffiani siulittaasoq Anthon Lindenhann ippassaq unnukkut, oqarpoq.

Aalisartut 30-40-t missaannittut Ilulissani Kultuurikkut Illorsuarmi Sermermiuni ippassaq unnukkut katersuupput, ullumikkut pissutsit oqaluuseriniarlugit. Assut malunnarpoq aalisartut umiatsiaararsortuunerusut uninngaannalernertik qatsulluinnaraat.

Malugisimapput qinersinermi kingullermi Naalakkersusunngortitsinermi neqitarineqarluarsimallutik, kisianni assut pakatsisimapput salloqittarnersimallutillu.

- Siornatigut naalakkersuisut eqqarsaatigalugit pisut allanngunngimmata, akiuunnerput aallarteqqittariaqalerparput. Qinersinermi kingullermi allannguinermut tunngaviunerpaajusimavugut. Tassalu nersuilussinnarnerup kingunerisaanik maannakkut Naalakkersuisumut tatigikkunnaarpugut, Anthon Lindenhann oqarpoq .

- Sakkortuumik oqallittoqartariaqalerpoq piffissanngorput suut tamaasa tupaallatinnissaannut. - Tupinnanngitsumik tatiginnikkunnaarpugut. - Aalisartut aalisanngitsut, akiligassat ingerlaannartut kialluunniit akuersaarsinnaanngilaa, Anthon Lindenhann oqarpoq.

- Siumut politikkertik tikeqqittariaqarpaat, partiip iluani sakkortuumik oqallittoqariaqarpoq, Anthon Lindenhann kajumissaarivoq.

Akerliussutsimik takutitsinissaq piareersarlugu isumaqagiissutigineqarpoq, pilersaarutinik suliaqartussanik suligasuartussanik inuttalersuisoqarluni. Ilaatigut eqqartorneqarluni akerliunissami qanoq oqaasertalersuisoqassanersoq, qanorlu periuseqartoqassanersoq.