akitsuutit
Karl-Kristian Kruse: Akitsuutit suliassarinngilakka
Qalerallit nutaamik akitsuusersorneqalernissaannut, umiatsiaararsorlutik aalisartunit akilerneqartalersussanut tunngatillugu oqallinnermi, aalisarnermut naalakkersuisoq Karl-Kristian Kruse (S) isornartorsiorneqartorujussuuvoq, oqallinnermi peqataanerusariaqarnersoq oqalliseqataasariannginneraluunniit oqallisigineqarlutik
Qaleralinnut akitsuutit nutaat, Nunatta karsianut 20 millionit koruuninik aappaagu isertitsissutaasussat, sinerissamut qanittumi aalisartunit akilerneqartussaapput, tamanna Inatsisartuni amerlanerussuteqartut aalajangiiffigeqqammerpaat.
Akitsuutit nukingertorujussuarmik tusarniaassutigineqarput, tassami aalisarnermik inuussutissarsiuteqartut akissuteqarnissaminnut ullormik ataatsimik piffissalerneqarmata.
Atuaruk: Qalerallit pillugit akitsuusiiniarneq isornartorsiorneqarpoq
Akitsuummik siammarterineq
Tusarniaanermi ilaatigut sulisitsisunit GE-mit akissutigineqartuni atuarneqarsinnaavoq, GE-p akitsuutip siammarneqarnissaanik siunnersuut tapersersoraa, siunnersuutigaluguli procentinik akitsuusiinermut taarsiullugu kiilumut ørenik akitsuusiisoqartalissasoq, tamatumani niuernikkut pitsaanngitsumik unammilleqatigiittoqalernissaa pinngitsoorniarlugu.
Halibut Greenlandip pisortaata Niels Thomsenip procentinik akitsuusiisarnissamik siunnersuut tunuarteqqullugu, Naalakkersuisunut aamma inassutigaa. Aalisarnermut siunnersuisoqatigiit aamma Nusukap kiilumut ørenik akitsuusiisoqartalernissaa Naalakkersuisunut aamma inassutigaat.
– Procentinik akitsuusiisarneq pinnagu ørenik akitsuusiisalernissaq aamma uagut piumanerugaluarparput, Naalakkersuisulli allatut isumaqarput, KNAPK-p siulittaasua Henrik Sandgreen oqarpoq.
Atuaruk: Aalisartunik sullitaqartut: Qaleralinnut suliarineqanngitsunut akitsuut puigorsiuk
Naalakkersuisoq nipaappallaartoq
Akitsuutit pillugit oqallinnermi Karl-Kristian Kruse nipaappallaarnerarlugu isornartorsiorneqartarpoq.
– Matumanili Vittus Qujaukitsoq akitsuutit pillugit inatsimmut akisussaasuuvoq, amerlanerussuteqartullu kissaataat naapertorlugit Naalakkersuisut sinnerlugit iliuuseqatussaalluni, taanna oqarpoq.
Atuaruk: Qalerallit suliarineqanngitsut akitsuuteqalissapput
Allaaserisaq tamaat Sermitsiami saqqummertumi atuaruk, uani pisiarisinnaavat: