suliffimmik taarsiineq
Karl-Henrik Simonsen KNR-imi pisortanngussaaq
KNR-imi siulersuisut Karl-Henrik Simonsen ulloq 1. april 2016 atorfinittussanngorlugu pisortassatut nutaatut isumaqatigiissuteqarfigaat
Jacob Abelsenip qaammatialuit atorfeqareerluni taamaatinnerata kingorna, radiokkut aamma TV-kkut aallakaatitsisarfiup KNR-ip pisortatut atorfik inuttassarsiorneqartoq maanna inuttassarsivaa.
Siulersuisut Karl-Henrik Simonsen ulloq 1. april 2016 tusagassiorfimmi innuttaasunut sullissisumi atorfinittussanngorlugu pisortassatut nutaatut isumaqatigiissuteqarfigaat.
Aamma atuaruk: Jacob Abelsen KNR-imi pisortanngussaaq
Kalaallit eqqarsariaasiat
– Siulersuisuni isumaqarpugut Karl-Henrik inuk taannaasoq KNR-imi pisortatut suliassamik oqimaatsumik kivitsisinnaasoq, aammalu taannaasoq kalaallit eqqarsariaasiat kulturiallu tunuliaqutaralugu KNR-ip ineriartortinnerani siuttuusinnaasoq. Inuiaqatigiinni inuussutissarsiornikkut ingerlaneq nalunngilluarpaa nunarsuarmilu avatangiisitsinni pisunut malinnaanermigut KNR-ip inuiaqatigiinnut kalaallinut tusagassiornikkut pitsaanerpaamik kiffartuussiuarnissaa isumagissallugu, siulersuisuni siulittaasoq Nukaraq Eugenius, tusagassiuutinut nalunaarummi ilisimatitsivoq.
Sulisoqarnermut pisortaq
Karl-Henrik Simonsen maannakkut Tele-Postimi sulisoqarnermut pisortaavoq, tassanilu 2006-imili atorfeqarsimalluni. Siornatigut politiit iluanni Karl-Henrik ukiorpassuarni sulisimavoq politiinspektøriulluni qimannissaata tungaanut.
Atuaruk: Isumaqatigiinnissamik aamma sulerusussutsimik KNR-imi amigaateqartoq