Dronningi 75-nik ukioqalerpoq

Karetsimik ingerlaarnissami Henrik kunngissakkunnit paarlaanneqarpoq

Karetsimik dronning Margrethep Københavnimi ingerlaarnissaani kunngissaq Frederik nulialu Mary ingerlaaqatigissavai, tamanna kunngikkormiunit nalunaarutigineqarpoq

Kunngissaq nualialu Nunatsinniinnerannit assilineqartut - 2014-ip aasaanerani assilineqarpoq

Dronning Margrethe 75-nik ukioqalernermini kisimi katetsemik ingerlaassanngilaq, tassami kunngissaq Frederik aamma nuali Mary ingerlaaqatigissavai.

Dronningip uia Henrik nualimi inuuissiornerani nalliuttorsiornermi peqataasinnaannginnini nalunaarutigisareerpaa. Henrik napparsimanini pissutigalugu peqatasaassanngilaq.

Sisamanngornermi inuuiani inuppassuarnit inuuissiortoq itersarneqassaaq Fredensborg Slotimi.

Christian VII's Palæ-mit ingerlaarneq aallartinneqassaaq nalunaaqutaq 12.30.

Ingerlaarnermi assigiinngitsut tikinneqassapput, soorlu Københavns Rådhusimi nereqatigiittoqassaaq, jazzimillu aliikkusersuisoqassalluni.

Rådhusimi nalunaaqutaq 14 ilaquttani ilagalugit aamma balkonimit anillassapput.

Prins Henrik napparsimanini pissutigalugu nalliuttorsiornermi peqataaniarnani ataasinngormat nalunaaruteqarpoq.

Dronningip apriilip 16-ani 75-iliineranut atatillugu AG dronning pillugu sammisaqassaaq. Aviisi apriilip 15-ani saqqummissaaq akeqanngitsumillu pdf-ikkut aaneqarsinnaassalluni

Aviisi ataani pisiariuk:

Powered by Labrador CMS