Aasiaat
Karen Mina Clasen ukiumi timersullammattut toqqarneqarpoq
Sisoraatinik oqilaniuttadrtoq inuit qulit, 2015-imi angusaminnik nersorniarneqartut ilagaat
Pingasunngornermi januaarip 6-anni Aasianni Katersortarfimmi ukiumi timersortartunut nersornaatit tunniunneqarput.
Masters World Cup
Arnani Ukiumi Timersullammattut 2015 toqqarneqarpoq Karen Mina Clasen, sisoraatinik oqilaniuttartut klubbiannit ASP-meersoq.
Taamatut toqqarneqarpoq ilaatigut Masters World Cupimi, siorna Ruslandimi ingerlanneqartumi, angusarissaaqaluni normu 2-ngorsimanera pissutigalugu.
Anføreri
Angutini ukiumi timersullammattut toqqarneqarpoq Muusaarannguaq Ostermann-Søholm, taannalu ilaatigut siorna assammik arsarluni nunatsinni pissartanngorniuttoqarnerani Norsaq HC-mi sungiusaasooqataallunilu anføreriusimavoq. Arnaata nersornaat tiguvaa, Muusaarannguaq Ostermann-Søholm ilinniagaqarnerminut atatillugu Danmarkimiimmat.
Kajumissaatit
Ukiumi sungiusaallammattut toqqarneqarput Tom Ostermann-Søholm, Norsaq HC-meersoq, aamma Andrie Sørensen, ASP-meersoq.
Kajumissaaserneqarput niviarsiaqqani Tina Amassen Rafaelsen, badmintonertartut klubbiannit ABK-meersoq, nukappiaqqanilu Inunnguaq Lyberth, ASP-meersoq.
14-iniit 19-inut ukiulinnut kajumissaaserneqarput Julia Thomsen, ABK-meersoq, aamma Inuk Josvassen, ASP-meersoq.
ASP aammalu
55-iniit qummut ukiulinnut kajumissaaserneqearput Hans Egede Heskiassen aamma Karen Mina Clasen, marluullutik sisorartartut klubbiannit ASP-meersut.