nalunaarsuisarnissat
Kapisillit pisarineqarsimasut ikitsuinnaat nalunaarsorneqartarput
Kapisilinniarnissamut pisassiissutit ikitsuinnaat nalunaarsorneqarsimasut aalisartut nalunaarutigaat
Kapisillit pisarineqartut tamarmik Kalaallit Nunaanni Aalisarsinnaanermut Nakkutilliisoqarfimmut nalunaarutigineqartartussaapput, aalisartuuguit imaluunniit saniatigooralugu pisaqarsimaguit.
Aggustip 15-iannit kapisilinniarneq aallartippoq, 45 tonsit pisassiissutaallutik. Aalisarnermut Piniarnermut Nunalerinermullu Naalakkersuisoqarfimmit erseqqissaassutigineqarpoq inuussutissarsiutigalugu aalisartunut sunngiffimmiluunniit aalisartunut, pisatik pinngitsuunngivillugit nalunaarutigisassammatigik.
Puigorneqarunartartoq
Kapisilinnik taama pisaqartigisoqarsimannginnera pissuteqarsimagunarpoq, kapisilittaarineqartut nalunaarutigisimannginneri.
- Qassusiareersimanerit tamaasa pisatik nalunaarutigisassavaat, Namminersorlutik Oqartussat allappoq.
Aalisarsinnaanissaq
Kapisilittarineqartut Kalaallit Nunaanni Aalisarsinnaanermut Akuersissutinik Nakkutilliisoqarfimmut, Kanuaana-mut allakkatigut nalunaarutigineqassapput, faxikkulluunniit qarasaasiakkulluunniit GFLK@nanoq.gl –mut nalunaarutigisassallutik.
- Pingaaruteqarluinnarpoq kapisilittarineqartut tamaviisa nalunaarutigineqarsimanissaat, tamanna siunissami kapisilinniartarnissamut pingaaruteqarluinnartuummat, Aalisarnermut, Piniarnermut Nunalerinermullu Naalakkersuisoqarfimmi immikkoortami pisortaq, Emanuel Rosing, allappoq.