kommunedeling
KANUNUPE: Qaasuitsup kommunia avinneqassaaq
Nunaqarfimmiut amerlanerit taama isumaqarput, KANUNUPE-p siulittaasua, Jens Kristian Therkelsen, naliliivoq
Qaasuitsup Kommunia avinneqassava? Imaluunniit naamik?
Qaasuitsup Kommuniani kommunalbestyrelsip ataasinngornermi novembarip 25-ani ataatsimiinnerani amerlanerussuteqartut innuttaasunik najoqqutassiisumik marsimi 2014-imi tasititsinissaq aalajangiuppaat. Ilaasortanit 21-usunit 14-it akuersipput, arfineqmarluk akerliusut.
Marsip naanerani 2014-imi innuttaasut taasitinneqarnissaannut akuerseqataasut ilaat tassaavoq, nunaqarfiit peqatigiiffiannut KANUNUPE-mut siulittaasoq Jens Kristian Therkelsen, Siumut, Uummannami nunaqarfimmit Ikerasammeersoq.
Taanna isumaqarpoq nunaqarfinni innuttaasut amerlanerit kommunip avinneqarnissaanik kissaateqarnerat malunnartoq.
Kommunalbestyrelsimi taasineq pillugu Jens Kristian Therkelsen ima oqarpoq.
- Qaasuitsup kommuniata avinneqarnissaanik amerlanerusut nunaqarfinni oqaluttut malugisinnaavara, Ikerasammi 213-inik inulimmi ataatsimiititsinitta ilaani aamma nunaqarfinni allani oqaloqatiginnittarninni malugisinnaavara, amerlanerussuteqartut tamanna kissaatigigaat, ilaasa kissaatigisarpaat Qaasuitsup kommunia maannakkutut ingerlaannassasoq, taama oqarpoq Jens Kristian Therkelsen.
Qaasuitsup kommuniani susoqarnersoq sapaatip akunneranut saqqummertartumi Tamanut Avannaanimi atuaruk. Oqaluttuap sinnera tassani atuaruk. Aviisi akeqanngitsumik uani pissarsiarisinnaavat: