kommunit kattuffiat
Kanukokap Nuummit anissanerluni eqqartorpaa
Sermersuup aninerata kingorna, allaffeqarfiup inissimaneranut kattuffik aalajangiissaaq
Kommuneqarfik Sermersooq kattufimmit januarip aallaqaataani 2016-mi anisussanngormat, kommunit kattuffiata Kanukokap Nuummit allaffeqarfik nuunniarpasippaa. KNR-mi Radioavisi taama iliisimatitsivoq.
Atuaruk: Sermersooq Kanukokami ilaasortaajunnaarpoq
Kanukokap siulittaasuata Palle Jeremiassenip KNR-imut uppernarsarpaa, kattuffiup inissisimanera aqagu marlunngornermi ataatsimiinnermi eqqartorneqassasoq.
Atuaruk: Kanukokap Sermersooq qinnuigaa: Kalaallit Nunaanni ataatsimooqatigiinnermit aninak
Aaqqiissutit arlallit
Tusarfiit KNR-imut oqaluttuarput aaqqiissutissat assigiinngitsut eqqartorneqartut, ilaatigut aggulunneqarsinnaanera, taamaaliornikkut kattuffimmi suliffiit Ilulissanut, Sisimiunut Qaqortumullu agguataarneqassallutik.
Isumaqatigiittoqaqqaassasoq
Siulersuisulli ataatsimiitsinnagit Palle Jerimiassen tamatumunnga tunngasumik oqaaseqarusunngikkallarpoq, ataatsimiittoqareerpat kommunit pingasuusut aaqqiissutissatut isumaqatigiissutigisaat saqqummiuttussaassagamiuk.
Atuaruk: Sermersooq Kanukokamut: Qujanaq isumassuinissinnut - uagut sapinngilagut
Aammattaaq Kanukokami siulittaasup erseqqissaatigaa, Nuummi sulisorisanut tunngatillugu arlalinnik inisseqqaagassaqarmat oqaaseqarsinnaanngikkallarluni.
Kommuneqarfik Sermersuup kommunalbestyrelsiata septemberimi siorna aalajangiussivoq. Isornartorsiuisullu oqariartuutigaat, ilaasortaanermut akiliutinit pissarsiaqarpiannginneq, aammalu kattuffiup oqimaaqatigiissaarinermut tunngatillugu Sermersooq tapersersunngippallaarmagu.
Atuaruk: Sermersuumi illuatungiuliuttut: Kanukokamiiginnaritsi