kommunini politikki

Kanukoka Nuummit nuulerpoq

Kommuneqarfik Sermersuup ilaasortaajunnaarnerata kinguneranik, kommunit kattuffiat illoqarfiit pingaarnersaannit nuunniarlini aalajangerpoq

Kanukoka formand, Palle Jeremiassen
Kanukokami siulittaasoq, Palle Jeremiassen

Kanukokap allaffeqarfini sinerissami illoqarfiit ilaannut nuulerpaa. Sermersuup aninerata tamanna kinguneraa.

Radioavisi taama oqaluttuarpoq.

KNR-mi atuaruk: Kanukokap allaffeqarfia Nuummiikkunnaassaaq

Aqutsisoqarfik qulinik inuttaqartoq illoqarfiit pingaarnersaanni Namminersorlutik Oqartussat aamma Inatsisartut illoqatigiunnaassavaat.

Kattuffiup siulittaasua, Palle Jeremiassen, Kanukokami siulersuisut ataatsimeersullu taama oqaluttuarpoq.

Suleqatigiinnerlunneq
Ilisimaneqareersutut Sermersuup kommunit kattuffiannit ilaasortaassutsini tunuartinnikuuaa, ukiuni arlalinnik politikkikkut sanioqqutaariinnarneqartutut misigereerluni.

Illoqarfiit pingaarnersaata kommuniata aninerani kattuffik aamma ilaasortaanermut akiliutinik annaasaqarnermigut millionilikkaanik aningaasaatikinnerulissaaq.

Aalajangeeqatigiinneq
Kanukokami ataatsimiititaliamik suligasuartussamik maanna pilersitsisoqarpoq, tassani ilaasortaallutik Kanukokap pisortaa kommuninilu kommunini pisortat pingasut, tassa Kommune Kujallermit, Qeqqata Kommunianit aamma Qaasuitsup Kommuniani pisortat.

Kanukoka siunissami sumi allaffeqassanersoq, taakku isumaqatigiissutigissavaat. Kattuffiup siulittaasua KNR-mut oqaluttuarpoq, allaffeqarfik piffimmut ataatsimut inissinnissaa sulissutigineqassasoq.

Atuaruk: Kanukokap Nuummit anissanerluni eqqartorpaa

Atuaruk: Sermersuup aninera Wæverip isornartorsiorpaa

Atuaruk: IA: Wæver sakkortuumik saassussivoq

Powered by Labrador CMS