Aasiaat
Kanukoka Aasiannut?
Kommunit kattuffiat Kanukoka Aasiannut nooratarsinnaasoq, tusarfiit kinaassutsiminnik isertuussisut AG-imut paasissutissiipput
Kommunit kattuffiata Kanukokap qullersaqarfia siunissami Aasianni inissisimalissaaq.
Tusarfiit tutsuiginartut AG-mut taama paasissutissiipput.
Nuummit nuunnissaq aalajangiunneqartoq
Kanukokami januaarip qiteqqunnerani immikkut ittumik ataatsimeersuartoqarnerani kattuffiup allaffeqarfiata Nuummiittup illoqarfimmut allamut nuunneqarnissaa aalajangiunneqarpoq.
Tamanna Kommuneqarfik Sermersuup kattuffimmut ilaasortaajunnaarnerata nassataraa.
Atuaruk: Illoqarfiit pingasut arlaat Kanukokap qullersaqarfigilersinnaavaa
Suleqatigiissitaq atorfilittanik inuttaqartoq siunissami inissisimaffissaq pillugu siunnersuusiornissamik suliassinneqarsimavoq. Suleqatigiissitap suliani Kanukokap siulersuisuinut tallimanngorpat saqqummiutissavaa.
Aasiannut nuussinnaasoq
- Saqqummiussaqartoqassaaq Aasianni qularnanngitsumik nuannaarutigineqartussamik, tusarfik AG-mut paasissutissiivoq.
Kanukokap siulersuisuisa suliaq maannamuugallartoq oqaaseqarfigerusunngilaat.
Allaaserisat allat AG-imi ullumi saqqummertumi atuakkit