Nuuk
Kangilinnguit pillugit saqqummersitsineq annertooq
Februaarip 21-ata tungaanut Kangilinnguit aamma Ivittuut pillugit assit saqqummersinneqartut Nuuk Centerimi takuneqarsinnaassapput
Oqaluttuarisaanermik soqutigisaqaruit, taava februaarip 21-ata tungaanut assit angisuut 62-it illoqarfimmi piiaaffiusimasumi Ivittuuni aamma sakkutooqarfiusimasumi Kangilinnguani Kujataani assilisat takusinnaavatit.
Assit Nuuk Centerimi saqqummersinneqarput, saqqummersitsineq tallimanngormat februaarip 22-ni ammarneqarpoq.
Atuaruk: Ivittuut aamma Kangilinnguit pillugit assinik saqqummersitsineq
Angalaneq
Assilissat siorna Sophienholm Kgs. Lyngbymi Københavnip avannaani saqqummersinneqarnikuupput, Lyngby-Taarbækip Kommuneqarfik Sermersooq kommunitut ikinngutigimmagu, aammalu Naturamami Svendborgimi saqqummersinneqarsimapput. Saqqummersitsinerlu maanna Nuummut pivoq, tassanngaanniillu ingerlaqqikkumaarluni.
Saqqummersitat assiliaapput qalipaatillit, Kangilinnguani, Ivittuuni eqqaanilu assilissaallutik. Saqqummersitsinermillu arkitekti Peter Barfoedip, suliniummik ingerlatsisuusup illuliorfigineqarnerisa aamma periarfissai Ivittuuni Kangilinnguanilu assiliartalersorniarsarai.
Taassuma tamanna Kalaallit Nunaata erlinnartuutaatut taavaa, ajoraluartumilli amerlanerpaanut ilisimaneqarani. Saqqummersitsinerulli tamanna allanngortinniarsaraa.
Peroriartortoq
Peter Barfoed 1952-imit 1965-ip tungaanut Ivittuuni peroriartorpoq, ilaquttami Danmarkimut uternissaasa tungaanut. Kingornalu tamanna arlaleriarluni tikeraartarsimavaa.
Sakkutuut 2012-imi sakkutooqarfik atorunnaarnerata kingorna, arkitektip arlaleriarluni illersornissaqarfiup Kangilinnguanik matusinera kukkunerartarnikuuaa.
Asserpassuit: Alianaatsorsuaq peerneqartussaqAsserpassuit: Alianaatsorsuaq peerneqartussaq