Kangilinnguit
Kangilinnguit pillugit Chemnitz Larsen ersarissunik akissutiserusuppoq
Inuit Ataqatigiit folketingimut ilaasortaatitaat Aaja Chemnitz Larsen danskit naalakkersuisuinut apeqqutinik arlalinnik nassiussivoq, tassani Kangilinnguit pillugit ersarissumik akissutinik piumasaqarpoq
Danskit naalakkersuisuisa decembarimi Socialdemokraatit, Radikale Venstre aamma Dansk Folkeparti peqatigalugit, Kangilinnguit ammaqqinneqarnissaat isumaqatigiissutigaat.
Inuit Ataqatigiit folketingimut ilaasortaatitaat Aaja Chemnitz Larsen, danskit naalakkersuisuinut arlalinnik apeqquteqarpoq, tassani Kangilinnguani sakkutooqarfiup ammaqqinneqarnissaanut aalajangiinermi nutaami Naalakkersuisut qanoq ilanngunneqarsimanersut, aamma illersornissaqarfiup saniatigut Kangilinnguit allat siunissami atortassaneraat.
Atuaruk: Kangilinnguit siunissaa oqaluuserineqaqqittoq
Ministerimut apeqqutit
- Naalakkersuisut naapertorlugit paasitinneqarsimapput, kisianni Kinamiut aningaasaliiniartut itigartinneqarnerannut aalajangiinermut siunnersuuteqartinneqarsimanngillat. Tamanna akuersaarneqarsinnaanngilaq, taanna tusagassiuutinut nalunaarummi allappoq.
Kinamiut aningaasaliisartut Kangilinnguanut soqutiginninnerannik ilisimasaqartillutik, Naalakkersuisut ujartuinerusimasinnaagaluartut tamatuma saniatigut isumaqarpoq.
Atuaruk: Ineqi: Kangilinnguit ammaqqinneqarnissaat itigartitsissutigineqarli
Kangilinnguani nuna qanoq annertutigisoq sakkutooqarfik atorniarlugu pilersaaruteqarnersoq, kiisalu allat soqutiginnittut Kangilinnguit atorneqarnissaanut eqqarsaatigineqarnersut, Aaja Chemnitz Larsenip illersornissamut ministerimut Claus Hjort Frederiksenimut (V) ilaatigut apeqquteqarpoq.
Atuaruk: Kangilinnguit atuinnarneqarniarnera tusaatissatut tiguaat