Kangiani Illorsuaq pillugu filmi takuuk

Ilulissani Kangiani Illorsuassaq pinngortitami kusanartumi ilulisarsuarnut isikkiveqarluni inissisimassaaq.

Uppik qimaasoq
Issittumi uppittut qimaasutut ilusilik, illussanik titartaasartumit Dorthe Mandrupimit titartarneqartoq illorsuaq silap pissusia pillugu oqallinnerup qeqqani inissisimavoq.

Tv-liortut marluk Martin Breum aamma Jakob Gottschau filmiliortuupput, taakku ilaatigut borgmesteri Ole Dorph aamma Inuussutissarsiornermut, Suliffeqarnermut, Niuernermut, Nukissiuuteqarnermut Nunanullu allanut Naalakkersuisoq Vittus Qujaukitsoq kiisalu titartaasoq Dorthe Mandrup apersorsimavaat.

Kangerluup sermip iigartarfillup Kangiata eqqaa 2004-mi nunarsuarmi kingornussassanut UNESCO’p allattugaataanut ilanngunneqarpoq, Ilulissallu Nunatsinni takornariaqarnermi illoqarfiit pingaarnersaraat.

Silap pissusiata allanngoriartornerata kinguneri ersarissut aamma nunanit tamalaanit sila pillugu oqallitsitsisartunit, ilisimatusartunit, naalakkersuisut siuttuinit aamma allanit ilisimatusarnermut tunngatillugu ataatsimiinnernilu tikeraarneqartarneranik kinguneqartarpoq.

Realdanip suliniut 83 millionit koruuninik taperserpaa.

Video takuuk
Illorsuaq takuuk - video uani allaaserisap ataani takuuk