napparsimasunut utaqqisarfik
Kangerlussuarmi napparsimasut atugarissaarnerulersimanerat nuannaarutigineqarpoq
Upernaaq manna peqqinnissaqarfik napparsimasunut angalasunut pitsaanerusumik atugassaqalersitsissaaq, inip utaqqisarfiup nutaap atulerneratigut
Napparsimasut angalanerminni Kangerlussuarmi utaqqisarfeqalissapput. Peqqissutsimut pinaveersaartitsinermullu aqutsisoqarfik Mittarfeqarfiillu isumaqatigeeqqammerput utaqqisarfimmik attartornissamut apriilip aallaqqaataani atuutilissaaq.
Napparsimasut utaqqiisaasumik uninngasarfissaat annikitsumik aaqqissuunneqareerpat atuutilissasoq peqqissutsimut aamma nunat avannarliit suleqatigiinneranut naalakkersuisoq Doris Jakobsen Siumumeersoq oqarpoq.
Siorna nunaqarfiit pillugit isumasioqatigiinnermi kommunefogedit napparsimasut Kangerlussuarmi atugarisaat pillugit paasitissavaannga.
- Siorna nunaqarfiit pillugit isumasioqatigiinnermi kommunefogedit napparsimasut Kangerlussuarmi atugarisaat pillugit paasitissavaannga. Nammineq misigisaqarfigaara kræfteqartoq, akunnernik tallimani nerisarfimmi inunnik ulikkaartumi utaqqinera, Kangerlussuarmi napparsimasunut utaqqisarfeqannginnera peqqutigalugu. Tamanna tunngavigalugu siunniussimavara sulissutiginiarlugu Kangerlussuaq aqqusaarlugu napparsimasut atugaat pitsanngorsaavigineqassasut, Doris Jakobsen tusagassiutinut nalunaarummi oqarpoq.
Naalakkersuisoqatigiit isumaqatigiissutaanni siunertaq Kangerlussuarmi napparsimasut utaqqisarfissaannik pilersitsineq pilersinneqartareernera naammagisimaarpaa.
- Upernaaq mannalu peqqinnissaqarfik napparsimasunut angalasunut pitsaanerusumik atugassaqalersitsissaaq, inip utaqqisarfiup nutaap atulerneratigut. Qularinngilara innuttaaqatitta napparsimasut ilaqutaasalu assorsuaq iluaallaatigissagaat, naalakkersuisoq oqarpoq.
Utaqqisarfik nutaaq angissuseqarpoq 44 kvadratmeterinik Kangerlussuarmi Peqqissaasoqarfiup eqqaani inissisimalluni.