Kangerlussuarmi juullimut niuffatsitsineq ornigarneqarluartoq

Sapaatiummat Qeqqata Kommunia Kangerlussuarmi innuttaasunut juullimut niuffatsitsinermik aaqqissuussivoq.

Juullimut mamartuliat pinnersaatillu saniatigut assigiinnitsunik aliikkusersuisoqarpoq. Meeqqerivimmiut "Santa Lucia"-put pingaarnertulli aliikkusersuisut Jonas Fleischer aamma Marie Mathiassen (Maalia) inersimasunit meeqqanillu nuannarineqaqalutik aliikkusersuipput. Kalaallit juullisiutaat assigiinngitsut atorneqarput juullimilu orpiliaq meeqqanit kaavinneqarluni. Meeqqat pinnguarnerini angajoqqaat kaffi tiilu juullimilu kaangiaqqat alianaarsaarutigaat.

Taassuma saniatigut nunaqarfimmiutsialammik toqqaasoqarpoq. Inuit pingasut innersuunneqarsimappiut, innersuunneqarsimasulli pingasut tamarmik toqqarneqarnissaannut piukkunnaateqarmata, nunaqarfimmi siulersuisunit tamarmik toqqarneqarput. Tage Johansen ukiuni arlalinni nukappissanut isikkamik arsaannermik sungiusaasuusimanera pillugu toqqarneqarpoq, nunaqarfimmilu Eggert Gudmundsoni aamma Phillipe Trottier inuusuttunut skak-ernermik aallartitsisimanerat, Kangerlussuarmilu timersortarfimmi isertitanik takussutissamik pilersitsisimanerat pillugit, toqqarneqarput.

Juullimi orpiliaq kaavinneqareermat ileqqut malillugit "Guuterput" atorneqarpoq, naggataanilu nunaqarfimmi meeqqat inuussuttulli Jonas aamma Maalia ataatsimoorlutik assileqatigaat. Ileqqut malillugit Kangerlussuarmi juullimut niuffatsisinermik ingerlatsisaleqqinnissaq innuttaasunit tamanit isumaqatigiissutigineqarpoq.

Aaqqissuussineq nunaqarfimmi aqutsisunit pinavaareersaartitsinermik siunnersortiit Lisa Langemit kiisalu sunngiffimmi susassaqartitsinermi aqutsisup Bent Vetterlain-ip aaqqissuussaraat.