ajunaarnersuaqarnissamut sungiusarneq
Kangerlussuarmi ajunaarnersuaqarnissamut sungiusarneq annertooq
Innermik anitsinerup Nunarput avammut matutissimavaa saniatigullu Kangerlussuaq tassaarsuarmit eqqugaasimalluni. Taama piviusuusaartitsineq ulluni 13. – 23. august ilanngullugu Kangerlussuarmi amerikamiut danskillu sakkutuuisa 100-t missaaniittut unammillingassarissavaat.
Sungiusarneq Northern Resiliencemik atserneqarsimavoq, ajunaarnersuarnilu ingammik issittumi sukkasuumik iliuuseqapallattarnissaq siunertaralugu sungiusassapput.
Danskit hjemmeværniata tusagassiuutinut nalunaarummi paasissutissiaraat "sakkutuut ikiuiniarnermik ajunaarnersuarmulli sungiusartinneqassasut, taamatuttaaq sakkutuut nunat tamalaat akornanneertunik suleqateqarnermik aammalu Nunatsinni silap pissusaasunut nunataatalu immikkut unammillernartuunerinut sungiusartinneqassallutik".
Sungiusarnermi nunat tamalaat akornanniit suleqateqartarnermut piginnaasanik nukittorsaataanissaa sungiusarnerup naammassinerani inerneriniartussaavaa. Aammattaaq Issittumik Sakkutooqarfiup suleqatiginissaanut periarfissinneqarlutik.
USA-miit Michigan National Guard sungisarnermi peqataassaaq, pilersaarutaavorli amerikamiut peqatigalugit ukiuni tulliuttuni marlunni sungisartarneq ineriariartortinneqarnissaa.