Kangerlussuaq pillugu suleqatigiissitaq februaarimi naapikkamili suli naapeqqissimanngilaq
Attaveqaqatigiinnermut ineqarnermullu naalakkersuisup suleqatigiissitami suliassap nassuiarneqarnera suli akuersissutigisimanngilaa aamma suleqatigiissitami ilaasortat akornanni misissueqqissaarluni sulinissamut tunngasut isumaqatigiinngissutaallutik
Kangerlussuup siunissaa pillugu aamma Kangerlussuup Sisimiullu akornanni aqquserniornissaq pillugit suleqatigiissitap sulinera unittoorluinnarsimavoq. Tamanna Qeqqata Kommuniani kommunalbestyrelsip septembarip 27-anni ataatsimiinnerani imaqarniliami atuarneqarsinnaavoq. Tassani allassimavoq suleqatigiissitaq 2018-imi februaarimili ataatsimiissimanngitsoq aamma kommunip Namminersorlutillu Oqartussat atorflittaasa akornanni isumaqatigiinngissuteqartoqartoq.
Sermitsiaq allappoq
Nalunaarusiaq akuerineqanngitsoq
Isumaqatigiinngissutaasoq tassaavoq Rambøllimit nalunaarusiassatut missingersuutip nutaap imaa, taannalu taaguuteqarluni ”fem scenarier vedrørende Kangerlussuaqs fremtid”, taanna 2018-imi februaarip 8-anni ataatsimiinnermi oqaluuserineqarpoq. Ataatsimiinnermi tassani Qeqqata Kommuniata nalunaarusiap imaa akueriumanngilaa, tassami kommuni isumaqarami eqqortumik paasissutissiisimanngitsoq isummiussallu arlallit pissusissamisuunngimmata.
- Assersuutigalugu timmisartut taamaallaat Nunatsinni timmisartuussisartut Kangerlussuarmi mittarfimmut missinnaapput, aamma naak mittarfik 2810 meterinik takissuseqaannassagaluarpalluunniit. Assersuutigalugu (Namminersorlutik Oqartussat allalluunniit) akunnittarfinnik, inissianik assigisaanillu aserfallatsaaliinissamut aningaasartuuteqaraluarpataluunniit immikkut isertitsissutaanavianngillat, oqaluuserisassat allattorsimaffianni Qeqqata Kommuniani kommunalbestyrelsip tusaatissatut tigusaani taama allassimavoq.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: