mittarfiit

Kangerlussuaq nalorninartumik siunissaqalersoq

Kommunimit tigusineq aaqqiissutissanngorsinnaavoq

Nuummi Ilulissanilu mi arfiit 2.200 meterinut tallineqarpata Kangerlussuaq tatineqalissaaq. Kommunimit tigusinissaq aaqqiissutissanngorsinnaavoq.

Kangerlussuup matuneqarnissaanik pilersaaruteqanngilagut.

Taama ineqarnermut, sanaartornermut attaveqarnermullu naalakkersuisoq Knud Kristiansen ukiakkut ataatsimiinnerup ulluani kingullermi mittarfiit pillugit akunnerni 2 1⁄2-ini oqallittoqarnerata ingerlanerani arlaleriarluni oqartarpoq.

Kisianni Nuummi Ilulissanilu mittarfiit 2.200 meterinut tallineqarnissaannik aalajangertoqarneratigut Kangerlussuaq tatineqalerpoq.

Kommunimut tunniunneqassava?
Ilaasut amerlanerpaat ullumikkut Kangerlussuarmut mittartut Qeqqanut Avannaanullu ingerlaqqittarput, Nuummilu Ilulissanilu mittarfissuarnut toqqaannartumik timmisartuussisoqartalerneratigut tamatumani ilaasussatigut tunngavissat tammakassapput. Ilaasunik Sisimiunut Maniitsumullu timmisartuussisarneq kiisalu nunaqarfimmi mittarfeqarfiusumi ingerlatanik suli suliaqarneq sinnerutissapput.

Naalakkersuisut partiillu naalakkersuisoqataasut pingasut mittarfiit pillugit oqallinnerup kingorna attaveqaatinut aningaasaliinissarsuit aningaasalersorneqarnissaat pillugu isumaqatigiissusiorput.

Isumaqatigiissut naapertorlugu Kangerlussuup niuernerpalaartumik ingerlateqqinneqarsinnaanera imaluunniit mittarfik Qeqqata Kommunianut tunniunneqassanersoq misissorneqassaaq.

Allaaserisaq tamaat Sermitsiami saqqummertumi kingullermi atuaruk, taanna uani pisiarisinnaavat:

Powered by Labrador CMS