Kangerlussuaq Hotelimit arfineq-marluk soraarsitaassasut
Hotel Kangerlussuup neriniartarfia matussaaq sulisut arfineq-marluk ukiup nikinnissaata tungaannut soraarsinneqassapput
Qujanaq inuulluaritsilu
Kangerlussuarmi hotelimi sulisut arfineq-marluk atugassarititaasut taamak naatsumik eqqaaneqarsinnaapput maanna paasinarsimmat hotelip neriniartarfia matusussanngortoq.
Tamatuma kinguneranik sulisut ukiup nikinnissaani soraarsitaanissaminnik naatsorsuutigisaqarsinnaapput.
Taamannak pisoqarpoq pissutigalugu Kangerlussuarmi Mittarfeqarfiit cafeteriaa allissammat nutarterneqarlunilu. Maannakkut neriniartarfittut atuuttoq angalasunik inuppassuaqartillugu tattorliuuffiusaqaaq. Cafeteriap nutaassaq inissaqartinniarlugu Hotel Kangerlussuup neriniartarfiata initai ilanngunneqassaaq.
Ukiunut pingasunut pilersaarut aallaavigalugu Hotel Kangerlussuaq imminut akilersinnaalersinniarneqarpoq, Mittarfeqarfiit nalunaarput ingerlatsiviup siunissami mittarfeqarfiup akilersinnaassusilimmik ingerlanneqarnissaanik isumaginnissaaq. Pilersaarutip immikkoortuani siullermi nutaarsiassiissutigineqartut nuannaajallannartortaa tassaavoq mittarfiup cafeteriaata allilluni nutarterneqarnissaa. Nuanniitsortaa tassaalluni hotelimi sulisut arfineq-marluk soraarsinneqartussanngornerat.
Tamannak nalunaarut nipeqarpoq hotelimi pisortap Bauer M. Johansenip Hotel Kangerlussuarmi ilisimatitsiniarluni ataatsimiisitsinermi tusarliussigami, tusagassiivinnut nalunaarummi allassimasoq.
Namminersorlutik oqartussat isummiussaqarput siunissaq ungasinnerusoq eqqarsaatigalugu Mittarfeqarfiit timmisartoqarfimmik ingerlatsinermik peqataanerulersariaqartoq hotelimik ingerlatsineq pingaarnerpaajutikkunnaarlugu.
- Ukiunut pingasunut pilersaarummi hotelip ineriartorteqqinnissaa aamma anguniarneqarpoq, aningaatigut akilersinnaanngorsarlu siunissami tuniniarneqarsinnaanera allanilluunniit ingerlanneqarsinnaanera periarfissikkumallugu, Mittarfeqarfinni pisortaq Jens Lauridsen oqarpoq.