radiokædep attaveerunnera
Kangaatsiap eqqaani radiokæde attaveeruppoq
Oqarasuaatit angerlarsimaffimmilu oqarasuaatit piffissami sivitsortumi Kangaatsiap eqqaani attaviloqattaarsimapput. Tele-Postimit maanna ilisimatitsissutigineqarpoq radiokæde attaveerussimasoq
Tele-Post ilisimatitsivoq Kangaatsiami radiokæde piffissami sivisulaartumi attaveqarsimanngitsoq. Ajoqutaasumut pissutaavoq silap ajornerata nassiussuinermik akornusersuinerata aamma radiokædemit nutarterinermi teknikikkut unamminartut imminnut attuumassuteqarnerat.
- Radiokædep attaveerunnerani nunaqarfinni Kangaatsiami, Iginniarfimmi, Attumi, Ikerasaarsummi aamma Niaqornaarsummi Telep sullittai kalluarneqarput, taakkunani oqarasuaatit angallattakkat aamma angerlarsimaffinni oqarasuaatit attaveqarniarnerat piffissami sivisulaartumi tutsuiginarsimanngillat. Taamatuttaaq piffissami kingullermi attaveqarsinnaaneq ajornarsivittarsimavoq, Tele-Post ilisimatitsivoq.
Tele-Postip nalunaaruteqarnera naapertorlugu teknikkimik ajornartorsiutit radiokædep nutarterneqarneranut attuumassuteqarput.
- Taamaattumik Tele-Post aalajangerpoq atortumut pisoqqamut uteqqinniarluni ajoqutaasup iluarsineqarnissaata tungaanut, Tele-Post taama nalunaaruteqarpoq.