nipilersorneq
Kalattuut rockilu naapilerput
Nipilersortitsineq Northern Islands Music Festival sapaatip akunnerata naanerani Nuummi pissaaq
Kulturip illorsuani Katuami nipilersoriaatsit assigiinngeqisut atorlugit tallimanngornermi arfininngornermilu nipilersortoqassaaq nipilersortartut Nunatsinneersut, Islandimeersut Savalimmiuneersullu naapisimaalerpata.
Pisussaq tassaavoq nipilersortitsineq Northern Islands Music Festival aatsaat aappassaa pisussanngortoq ukiormannalu Nunatsinni aaqqissuuneqartussanngortoq.
Tallimanngornermi nipilersoriaatsit kalattuut, country, 70-ikkorpalaartut rockilu atorlugit nipilersortoqassaaq. Arfininngornermi rock misileraarpalaartumik jazz/blues/rock aamma rock’n roll atorlugit nipilersortoqassaaq.
Nunatsinniit peqataasut tassaassapput Hanne & Leif Saandvig Imnmanuelsen, Daani, Torluut aamma Kimia.
Savalimmiuniit peqataasut tassaassapput Allan Tausen aamma Benjamin, kiisalu Islandimiit peqataassallutik Park Project misileraarpalaartumik jazz/blues/rock aamma rockimik nipilersortartut.