Kalaallit titartakkanik filmiliaat 40 millioner koruuninut

Nuka K. Godtfredsen aamma Lisbeth Valgreen annertuunik takorluugaqarput. Kalaaleq niviarsiaraqRavens Girl pillugu nunanit tamalaaneersut titartakkanik filmiliassaannut aningaasanik pissarsinissaqsulissutigaat. Aappariit uteriinneq takutittareerpat. Nunatta oqaluttuassartaa pillugu titartakkanikatuakkiat Nuka Godtfredsenip ukiuni aqqaneq marlunni suliarinikuuai

Qallunaap kalaallillu nuliariit Nuka K. Godtfredsenip aamma Lisbeth Valgreenip takutereerpaat suleqatigiissinnaallutik. Suliassaq annertoorujussuaq siunniusimavaat: titartakkanik filmiliaq 40 millioner koruunilik.

Aviisi AG taama allaaserisaqarpoq.

Godtfredsen aamma Vahlgreen titartakkanik filminik nuisitsinerit annersaasa ilaat Bordeauximi peqataaffigereerlugupeqataaffigereerlugu angerlaqqammerput. 500-nik tusarnaartoqarlutik – filmiliassanik pisiniartartut narrutuut, aningaasaliisartut, titartagalersuisartut tv-qarfiutillillu tusarnaartoralugit Lisbeth Vahlgreen aamma Nuka K. Godtfredsen tulugaq niviarsiaraq pillugu isumassarsiartik pilerinarsarlugu oqaluttuaraat.

Ilassilluarneqartoq aamma Bordeauximi ersaattaanneqangaatsiarluni

- Maliinamik ateqarpoq nutaaliaasoq nunaqarfimmi nunguinnannginnissaanik tamaviaarussisoq immallu naqqanukarluni Sassuma arnaa saammarsariartorpaa. Isumassarsiarput ilassilluarneqarpoq Bordeauximilu ersaartaanneqangaatsiarluta. Maannamuugallartoq akissarsiaqaatiginagu filmiliassaq ukiuni marlunni suliaraarput. Assorujussuaq pissanganarpoq, Lisbeth Vahlgreen oqarpoq.

- Aap, piariilivikkaluarpugummi, Nuka K. Godtfredsen ilanngussivoq.

Raven Girl and the Mother of the Sea, filmi taamatut ateqassamaamat, filmit pillugit atuagassiat akimanerit ilaanni Varietymi pitsaasumik allaaserineqarpoq. Aningaasaliisartut pilerisussanersut qanittumi paasinarsiumaarpoq. Titartakkanimmi filmiliorneq akisoorujussuuvoq. Niviarsiaraq tulugaq Nunatsinneersut filmiliaasa akisunersarissavaat 40 millioner koruuninik missingersuuteqarami.

Aappariit apersorneqarneraat annertooq AG-mi atuaruk. Uani ataani linki tooriarlugu aviisi pisiarisinnaavat:

Powered by Labrador CMS