teknologii
Kalaallit teknologimik sanaavat Snapchatimut unammillertoq
'Reply' kalaallinit suliarineqartoq nunat tamalaani saqqummersussatut sanaavoq
Inuit 1.500-t qaangerlugit 'Reply'-mik atuisuupput nunani assigiinngitsuni. Atuisut 35-t akornanni tallimanit ullorialersinneqarpoq. Tassanilu atuisut sapaatip akunnerata siuliani 20.000-neriarluni atorneqarluni.
Reply-mut sanannittuuvoq nuummiu Jens-Jakob Lennert-Sandgreen, ilaatigut aamma aviisimut TiuTiu-mut siornatigut suliaqartoq.
- Suleqatikkalu Kalaallit Nunaannit teknologimik tunngassuteqartumik siullerpaamik nunarsuarmioqatitsinnit atorneqarsinnaasumik sanaqqammerpugut. Suliarput kalaalerpaluttuunissaa pingaartitaraarput, Jens-Jakob Lennert-Sandgreen oqarpoq.
Suliarisimasartik Jens-Jakob Lennert-Sandgreenip ima nassuiarpaa:
- Reply attaveqatigiinnissamut sanaajuvoq iOS-imoortoq. Allagarsiat takuneqarsinnaasarput. Allagarsigaanni siuliani allagarsiarineqartoq takuneqarsinnaajunnaartarpoq. Atuisup allagarsiani sukkulluunniit skærmikkut attorlugu takusinnaavaa.
- Maannakkut sulissuteqarpugut softwarenngorlugu aningaasaliiffigineqarsinnaanissaanut. Replyp siunissami iOS-inngorlugulu Androidinngortinnissaa kiisalu nunani tamalaani atorneqarsinnaalernissaa sulissutigaarput.
Snapchatimut unammillerneq
Jens-Jakob Lennert-Sandgreen oqarpoq atuisut Snapchatimut assingutittaraat.
- Replymik atuineq allaanerussuteqarpoq. Snapchat atorlugu ikinngutit arlaannik pisimasumut atussallugu iluarpoq, oqaloqatigiissagaannili pitsaavallaanngitsoq paasivarput. Aamma immaqa taamatut atussallugu pikkunaalaarpoq akineqanngitsoorsimagaanni, Jens-Jakob Lennert-Sandgreen oqarpoq nangillunilu:
- Reply sanavarput oqaloqatigiittarnerit pitsaanerusunngorniarlugit. Inuit akornanni tamanna ingerlanneqartarpoq. Sekundit ingerlanerini allanneqarsimasut peerneqarneq ajorput. Tamanna atuisutta pitsaanerutippaat. Snapchatimut unammillertaavugut? Aap aamma naamik akissutaapput, Jens-Jakob Lennert-Sandgreen oqarpoq.