taekwondomi EM

Kalaallit taekwondortartut sisamat EM-eqataassapput

Taekwondomi europami pissartanngorniunnermi kalaallit sisamat peqataassapput. Unammisartut misilittagartuut peqataassasut kattuffimmit oqaatigineqarpoq

Taekwondomi EM-eqataasusssat, saamerlermit Jonathan Jonathansen, Angutinnguaq Tittussen, Karl Larsen (nunanut allanut unammisartunut sungiusaasuugallartoq), Helge Heilmann aamma Tina Nikodemussen

Kalaallit Taekwondomi nunanut allanut unammisartui Europami pissartanngorniunnerni Italiami ingerlanneqartussami peqataassapput.

Kalaallit sisamat tassani peqataassapput.

- Unammisartut siornatigut pissartanngorniunnerni angisuuni peqataasareernikuupput, taamatullu misilittagaqarluarlutik, Taekwondortartut Kattuffiat nalunaaruteqarpoq.

Peqataasussat ukuupput:

  • Tina Nikodemussen, 2. Dan. Unammissutissat: Tul, frikamp.
  • Helge Heilmann, 2. Dan. Unammissutissat: Tul, frikamp.
  • Jonathan Jonathansen, 4. Dan. Unammissutissat: Tul, firkamp.
  • Angutinnguaq Tittusen, 5. Dan. Unammissutissat: Tul

- Angutinnguaq Tittusenip angusarissaarluarnissaa naatsorsuutigaara, EM-imimi siornatigut kuultinnattareerpoq. Unammersuaarnernut makitsinissaq qanoq isikkoqassanersoq Helge Heilmannimut Jonathan Jonathansenimullu apeqqutaassaaq. Makitsinermi iluatitsilluassagunik angusarissaarluarsinnaapput, nunanut allanut unammisartunut sungiusaasuugallartoq Karl Larsen Sermitsiaq.AG-mut oqarpoq.

Unammisussat Italiamut anngutereerput piareersarlualereerlutillu.

Powered by Labrador CMS