Sulorarnermi EM
Kalaallit sulorartartut oqaluttuarisaanermi siullerpaamik EM-imi unamminermi ajugaapput
Angutit sulorarnermi marlukkaarneranni kalaallit Ungarnermiunut ajugaapput. Arnat unamminitik tamarmik ajorsarpaat
Sulorarnermi Europami iligiit pissartanngorniunneranni Kalaallit Nunaannit isullerpaamik ajugaasoqarpoq. Angutit marlukkaarneranni Jens-Frederik Nielsen aamma Toke Ketwa-Driefer Nuummeersut Ungarnermiunut Levente Csiszerimut Pal Padarimullu ajugaapput.
Taamaasilluni Kalaallit Nunaat Europami pissartanngorniunnermi siullerpaamik unamminermi ajugaapput. Kalaallit 21-15 22-20-mik unamminermi ajugaapput.
- EM-imi unamminermi ataatsimi ajugaassaguma nunarsuarmi pikkorinnerpaatut misigissaanga, Jens-Frederik Nielsen EM-erianngilaataa Sermitsiaq.AG-mut oqarpoq.
Kalaallit Ungarnimut unammineranni katinneranni 4-1-mik ajorsarput.
Ataasiakkaarnermi angusat
Ungarnimut unamminermi ataasiakkaarnermi Nunatsinnit unammeqataasuupput Taatsiannguaq Pedersen, Jens-Frederik Nielsen aamma Toke Ketwa- Driefer. Unamminitik tamarmik ajorsarpaat.
Angusat:
- Taatsiannguaq Pedersen mod Gergely Krausz, 0-2 i sæt
- Jens-Frederik Nielsen mod Gergo Pytel, 1-2 i sæt
- Toke Ketwa- Driefer mod Marton Szerecz, 0-2 i sæt
Angutit iligiiaarnerat:
- Bror Madsen/Taatsiannguaq Pedersen mod Gergely Krausz/Gergo Pytel, 0-2 i sæt
- Jens-Frederik Nielsen/Toke Ketwa- Driefer mod Levente Csiszer/Pal Padar, 2-0 i sæt
Arnat ataasiakkaarlutik unamminerat
Kalaallit arnartaat Bulgariamut pingasunngornermi unammipput.
Sara Lindskov Jacobsen, Celia Villebro Rasmussen aamma Nina Høegh Møller ataasiakkaarnermi unamminerminni unamminitik tamarmik ajorsarfigaat.
Frankrig aqagu unammissavaat.
Arnat ataasiakkaarnerannit angusat:
- Sara Lindskov Jacobsen mod Linda Zetchiri, 0-2 i sæt
- Celia Villebro Rasmussen mod Mariya Mitsova, 0-2 i sæt
- Nina Høegh mod Maria Delcheva
Arnat marlukkaarneranni unamminerat:
- Sara Lindskov Jacobsen/Celia Villebro Rasmussen mod Gabriela Stoeva/Stefani Stoeva, 0-2 i sæt
- Milka Brønlund/Nina Høegh mod Mariya Mitsova/Dimitria Popstoikova, 0-2 i sæt
Kalaallit ajugaanerannit video uani takuuk