USAmi akitsorterussineq

Kalaallit rubiniutaat tunineqanngilaq

Rubini iipilitut ilusiligaq akitsorterussinermi aallami tuniniarneqassaaq

Rubini Qeqertarsuatsiaaneersoq nutaanik inuttassarsineqanngilaq

Rubini Qeqertarsuatsiaaneersoq Los Angelesimi Bonhamsip akitsorterussiviani tuniniarneqaraluarami iluatsinngilaq. Aki minnerpaatut kissaatigisaq 55.000 koruunit anguneqanngilaq.

Bonhamsip akitsorterussiviani akitsorterussinermi akit qaffasinnerpaatut taaneqartut 40.000 koruunit sinnilaarlugit inissisimavoq. Rubinimik piginnittut Nukajaraq Olsen Sisimiuneersoq aamma Hans Henrik Berthelsen Qeqertarsuatsiaaneersoq piumasaqarput rubini minnerpaamik 55.000 koruuninik akeqassasoq taannalu kultimik Nalunami kultisiorfimmeersumik pinnersaasigaavoq.

- Maanna aki kissaatigisarput anguneqanngimmat akitsorterussivimmi allami tuniniassavarput. Bonhams atoqqissanngilarput. Taakku aalajangersimasunik pisisartoqarput qularaarpullu tassani akitsorteruteriaqqikkaanni akip ullumi tagginneqartup qaffariarsinnaanera, Nukajaraq Olsen Sermitsiaq.AG-mut oqarpoq.

Suli nalunarallarpoq rubini qaqugu tuniniariarneqaqqissanersoq.

- Akitsorterussisarfimmik naleqqussorisatsinnik nassaaqqaartussaassaagut, Nukajaraq Olsen oqarpoq.

Powered by Labrador CMS