Avannaa

Kalaallit qimmiisa qanigisariippallaalernissaat ernumagaa

Kalaallit qimmiisa qangatut inuussutissarsiutitut atorneqarpallaarunnaanerat uumasut nakorsaata Sanne E. Wennerberg-ip ernumanartoqartippaa

Avannaani qimmit ikiliartornerat malunnarsivoq

Qimussimik inuussutissarsiuteqarneq atorneerukkiartortoq illuanik qamuteralannik atuisut amerliartorput. Taamaammat qimmit qimuttut siunissaat ernummatigineqarpoq.

Ineriartornerup qimusseq saneqqukkkiartulerpaa. Inoqarfinni qimmit ikippallaalernertik imaannaanngitsumik eqqorneqaatigisinnaagaat ernummatigineqarpoq.

– Qimmit ikippallaalernissaat ernumatigisinnaavara, tamatuma kingunerisinnaammagu qanigisariippallaalertoqarnissaa, qimminik sanngiitsunik kinguneqartumik, Sanne E. Wennerberg oqarpoq.

Taassuma ernummatigaa qimussertarnerup sunngiffimmi sammisatut takornarianillu angallassissutitut taamaallaat atorneqalernissaa.

Qimmeqarfinni tamani qimmit 2013-ip qaammataanni siullerni pingasuni 15.600-it missaanniittut kisitsisit takutippaat

Oqaluttuaq tamaat atuarsinnaavat Tamanut avannaani pingasunngornermi saqqummersumi.

Powered by Labrador CMS