Kalaallit puisi amiutaat ilusilersuinermi unammisitsinermi ajugaassutigineqartoq

Pingasunngornermi marsip pingajuanni ukiumut Remix finale Milanomi Italiami ingerlanneqarpoq.

Remix tassaavoq nunat tamalaat amernik suliaqartut IFF-p (The International Fur Federationip) ilusilersuinermik ukiumut unammisitsissutaat, tassani ilusilersuisunngorniat nunani assigiinngitsuni 25-neersut 1.000-t missaaniittut peqataapput.

Tassanilu puisi ajugaassutigineqarpoq, Great Greenland ilisimatitsivoq.

Isiginnaartut akissarsititsissutaat
Remixip ukiuni 14-ini ingerlanneqartarneranit siullermeerluni isiginnaartut toqqagaannit akissarsititsisoqarpoq. Dommerit toqqagaannik akissarsititsinerup saniatigut, peqataasut ajugaasussamik toqqaatinneqarput, taakkulu Louisa Øgaard Reinholt Jakobsen toqqarpaat.

Atuaruk: Great Greenlandip unammillernini taamaatippaa mersortarfillu matullugu

Taassuma suliamini pingasuni puisip amia atorsimavaa. Ataaseq kjoli aappaluttumik, tungujortumik, aappilarujuttumi aamma savap amiani qaqortumik qalipaateqarpoq, kjolip aappaa qernertumik aamma tungujortumik qalipaateqarpoq, kingullerlu nasaasaq savap meqquinik qaamasumi aamma puisip amiinik qorsummik, tungujortumi, auberginimik qalipaateqarpoq.

Taakku assigiinngitsut pingasut Louisa Reinholtsip Koling Designskolemi atisalianik katersugaataata ilaaneersuupput, puisip amiinillu misiliinerminngaanneersuullutik.

Atuaruk: Great Greenlandimi paarlaanneq