Puerto Ricomi anngunniunneq

Kalaallit pointinnaqqittut

Panamerikami pissartanngorniunnissamut anngunniunnermi kalaallit aappassaa pointinnapput. Tamatumuuna Mexicomut naligiillutik

Asseq arfininngormat sungiusaatigalugu Puerto Ricomut unamminermit assilisaavoq

Unammineq sakkortoqaaq. Marlunngormat kalaallit assammik arsartartuisa arnartaasa Purto Ricomi aappassaa unammigamik pikkunarsimaqaaq.

Kalaallit saassutaritiinnavissimapput, unamminerullu anerpaartaa målinit marlunnik pingasunilluunniit kinguaqqasarsimallutik. Uanmminerulli naanerani angummassimapput, unamminerlu 20-20-imik inerneqarluni.

- Mexicormiut unammillugit sakkortoqaaq. Sukkasuumik arsariaaseqarput, piareersarluarsimallutik illersiulluarlutillu. Tamannalu uagutsinnut sakkortuvoq, kalaallit sungiusaasuata ikiortaa Johannes Groth nassuiaavoq.

50 sekundit sioqqullugu naligiilersut
- Unamminermi målinik pingasunik kinguarsimasaqattaarpugut. Taamaammat piffissaq kingulleq angugatsigit nuannaarlutalu tulluusimaarpugut.

- Holdi sukataartoq tunniutiinnauittorlu takullugu nuanneqaaq. Tamatta 20-raaginnarnitta takutippaa illersuinerput pitsaasuusoq, måliniittorput Rina Lorentzen arlaleriarluni annaassivoq, Johannes Groth tusagassiutinut nalunaarummi allappoq.

Kalaallit nunanut allanut unammisartuisa Mexicomut unammineranni Mia Rasmussen arfinileraarpoq. Nivissat unnugu pingasunngornermi, nunatta kitaata nalunaaqutaa malillugu, qulinut Puerto Ricomut unammissapput. Arfininngormmat sungiusaatigalugu naapimmata kalaallit 29-26-imik Puerto Ricomut ajugaapput.

Danmarkimi VM-imut aqqut
Anngunniunnerit ataasinngornermiit sapaat ilanngullugu ingerlanneqassapput. Cuba aammattaaq nunat angusarinnerit sisamat Panamerikami pissartanngorniunnissamut ingerlaqqissapput.

Pissartanngorniunnerit Cubap illoqarfiani Havanami maajip 21-anit 28-anut ingerlanneqassapput.

Panamerikami pissartanngorniunnermi, Pamamerikanske Mesterskabimik taaneqartartumi, angusarinnerit sisamat VM-imut Danmarkimi decembarimi pisussamut ingerlaqqissapput.

Powered by Labrador CMS