aatsitassat

Kalaallit Nunaata oqaluttuatsialak amigaatigaa

Ukiumoortumik Fraserip misissuinerani Kalaallit Nunaat nr. 63-imut appangaatsiarsimagaluarpoq, sukkasuumilli siuariartoqqissinnaavoq, immikkut ilisimasalik isumaqarpoq. Aatsitassanut naalakkersuisup selskabit pitsaanerusunik atugassaqartinnissaat qulakkeerniarpaa.

Råstoffer, mineindustri, efterforskning
London Mining - oqaluttuat ilaat piviusunngunngitsoq.

2016-imut misissuinermi saqqummiunneqaqqammersumi Kalaallit Nunaat normu 55-imut nakkariarpoq nunat 104-t tulleriiaarneqarneranni pingaarnerpaami »Investment Attractivness«-imi, tassuuna sammineqartarlutik nunat aatsitassanut aningaasaliisunit kajungernassuseqassusiat, aatsitassatigut aammalu sinaakkutassatut atugassatigut.

2015-imi Kalaallit Nunaat normu 26-uvoq. Ukiunilu pitsaasuni 2012-imi 2013-imilu, Kalaallit Nunaata normu 7-imiissimaneranit angasissorujussuuvoq. Nakkariarnerlu suli sakkortuneruvoq, qiviassagaanni selskabit aningaasaliisullu immikkut aatsitassanut politikkimut qanoq isumaqarnerat eqqarsaatigalugu. Tassani Kalaallit Nunaata siorna normu 25-miit normu 63-imut appariarsimavoq.

Atuaruk: Aatsitassarsiornermut aningaasaliisartut Kalaallit Nunaat tunuppaat

Immaqali appariarnermut tunuiaqutaasoq tassaasinnaavoq Kalaallit Nunaata aatsitassanut aningaasaliisartut akornanni nutaarsiassatoqanngorsimanera, Aalborg Universitetimi Institut for Planlægningimi lektori Anne Merrild Hansen oqarpoq. Taanna Minik Rosingip nalunaarusiaanik »Kalaallit Nunaannut iluaqutaasumik« allaatiginneqataasimavoq aammalu aatsitassarsiornermi selskabillu aatitassarsiortut inuiaqatigiillu akornanni peqatigiinnermik immikkut ilisimasaliulluni.

– Maluginiarpara sumiiffiit ilaat, aningaasaliiffissatut kajungerineqarnerpaat ilaattut inissisimasut tassaasut Saskatchewan aamma Manitoba. Saskatchewanip, uranimik piiaaffinnik arfinilinnik ingerlatsisup, ilisarnaatigaa sakkortuumik ilinniarsimagamiuk aatsitassanut suliniummini sumiiffimmi tapersersorneqarnissamik pilersitsinissaq. Tamatumunnga pikkorissuupput. Oqaluttuatsialammik pissarsisarsimapput, Anne Merrild Hansen oqarpoq.

Kalaallit Nunaanni taamaanngilaq, nunarpullu aningaasaliisunit aatsitassarsioqatigiiffinnillu ilisimaneqarlualerpoq 2012-imi, taamanikkut aatsitassarsiornerup ajalusoornerani suliniutinut nutaanut soqutiginninnerup appariarujussuarnerani.

– Nutaarsiassatut naleqarlutalu soqutiginarsimavugut. Nunani tamalaani aatsitassarsiortut paasieriataarpaat maani aatsitassaqartoq pilerinarsinnaasunik. Nutaarsiassaasimavoq amerlasuunik Kalaallit Nunaannukarnissamik alapernaalersitsisunik. Maannali tamanna nutaarsiassaavallaarunnaarsimavoq. Taamaattumik massakkorpiaq oqaluttuatsialammik atorfissaqartitsivugut. Atorfissaqartipparput takutissallugu suliniutit ilaat piviusunngorsinnaasut ingerlannissaallu sapinngikkipput, taanna oqarpoq.

Aatsitassanut naalakkersuisoq Múte B. Egede aatsitassarsiornermi pitsaanerusumik atugaqalersitsiniarpoq. Tamanna qanoq pissanersoq AG-mi atuaruk:

Powered by Labrador CMS