takornarialerineq

Kalaallit Nunaat takornariaqarneq pillugu paasisaqarnerulissaaq

Takornarissat nunatsinnut tikittut tamaasa nalunaarsorneqartalissapput. Mittarfeqarfiit, Visit Greenland, Namminersorlutik Oqartussat Naatsorsueqqissaartarfillu suleqatigiinneratigut nalunaarsuisoqartalissaaq

Sumi najugaqartuuneq Kalaallit Nunaata mittarfeqarfiini nalunaarsorneqartassapput, suminngaanniit nunanut allanut angalasarnerit. Mittarfinni ukunani misissuisoqartalissaaq: Kangerlussuaq, Narsarsuaq, Nuuk, Kulusuk, Ilulissat, Nerlerit Inaat

Systemi nutaaq atorlugu paasissutissanik katersisoqarnialerpoq, Kalaallit Nunaannut angalasut suminngaanneerneri misissorlugit.

Mittarfeqarfiit tusagassiutinut nalunaaruteqarput.

Nuup mittarfiani inernerit nutaat ajunngillat, systemi ingerlalluarpoq, qaammatinilu aggersuni avammut angalasut sumi najugaqarneri allattorneqartassallutik. Tamanna takornariaqarnikkut ineriartornermi alloriarneruvoq, aallarniisut paasissutissiipput.

Misissuineq suliarineqassaaq Mittarfeqarfiit, Visit Greenland, Namminersorlutik Oqartussat Naatsorsueqqissaartarfillu suleqatigiillutik. Kalaallit Nunaannilu angalasarnikkut turisteqarnikkullu pingaarutilinnik paasissutissiissaaq, siunissarlu ungasinnerusoq eqqarsaatigalugu paasissutissat turistinut ussassaarilluni sunniiniarnikkut atorneqartassallutik.

Mittarfeqarfik securitymi sulisut timmisartukkut ikilernermi ingerlatseriaaseq naliginnaasoq atorlugu timmisartunut ilaasussat nalunaarsortassavaat tamannalu sivikitsuaraasassaaq, oqarpoq Hans Henrik Lichtenberg, Mittarfeqarfimmi attaveqaqatigiinnermi aqutsisoq.

- Securitymi sulisut nunani allaninngaanniit angalasut tamarmik aperisassavaat nunami sumi najugaqarneri, skanneriararlu atorlugu akissut allattorneqartassalluni allattorsimaffimmut erfalasortalik stregkoditalillu. Taamaasioreernikkut paasissutissat katersorneqareerlutik naatsorsueqqissaartarfimmut ingerlateqqinneqartassapput, Hans Henrik Lichtenberg nassuiaavoq.

Maannakkut ilisimaneqanngillat
Visit Greenland aallarniussaq qilanaarutigaa. Ullumikkummi ilisimaneqanngilaq turistit suminngaanneerneri, allattorneqarneq ajormata.

- Takornarialerinikkut ussassaarilluni sunniiniarnermut anguniakkagut allatorujussuaq toraagarsinnaanngussavagut. Paasissutissat katersorneqareerpata angalasarnikkut allannguutit
qimerloorsinnaanngussavagut iliuuseqarfigisinnaanngorlutigit. Iliuuseq torraqutigaa immikkoortissinnaanngussagatsigit Kalaallit Nunaanni Qallunaat Nunaannilu najugallit nunatsinni angalasarneri qassiunersut, Visit Greenlandimi pisortap tullersortaa Ulrich la Cour Vahl oqarpoq.

Sumi najugaqartuuneq Kalaallit Nunaata mittarfeqarfiini nalunaarsorneqartassapput, suminngaanniit nunanut allanut angalasarnerit, soorlu ukunaniit: Kangerlussuaq, Narsarsuaq, Nuuk, Kulusuk, Ilulissat, Nerlerit Inaat. Suminngaanneernermi nalunaarsuineq siunissami ingerlaannartussatut naatsorsuutigineqarpoq.

Powered by Labrador CMS