Wednesday, September 13, 2017 - 09:18

Kalaallit Nunaat pillugu ataatsimiititaliap Pituffik tikeraassavaa

Assi.: Casper Dalhoff / POLFOTO
Folketingimi Kalaallit Nunaat pillugu ataatsimiititaliaq oktobarimi Pituffimmut paasisassarsioriartussaaq. Taakku Pituffimmi radarip pillugu matoqqaneq naammagisimaanngilaat. KNR taama allappoq.

Aleqa Hammondip aamma Folketingimi Kalaallit Nunaat pillugu ataatsimiititaliami ilaasortat sinnerisa Pituffik tikeraassavaat, KNR taama allappoq.

- Piffissami kingullertigut amerikamiut Nunatsinniinnerminni amerlasoorpassuartigut toqqortorpaluttumik pissusilersornerat matoqqasumillu sutigut tamatigut ingerlatsineri akuersaanngitsorujussuuvarput, isumaqaratta nunat suleqatigiit nunallu imminnut ataqqisut iluminni ammasumik pissusilersortariaqartut, Folketingip Kalaallit Nunaannut tunngasunut ataatsimiititaliaani siulittaasoq, Aleqa Hammond, KNR-imut taama oqarpoq.

Pituffimmi radarit nutarterneqartussanngorneri Nunatsinni oqartussat amerikamiunit akuliutsitsinnginnerat ataatsimiititaliamit ippigineqarpoq.

Radarip allilerneqarneranut pilersaarutit tikeraarnerup paasisaqarfigineqarneranut iluaqutaassaaq.

Seneste nyheder / Nutaarsiassat kingulliit