inuit pisinnaatitaaffii
Kalaallit Nunaat avoqqaarineqartoq
Inuit Pisinnaatitaaffii pillugit Institut nalunaarusiami nutaami Kalaallit Nunaanni pissutsinik arlalinnik isornartorsiuivoq – pitsanngorsaavigineqartussatullu innersuussutigineqartut qulingiluanit ikinnerunngillat
Politikerit eqqarsaatissinneqarput
Inuit pisinnaatitaaffii pillugit ilisimatusarfik, Institut for Menneskerettigheder, Kalaallit Nunaanni inuit pisinnaatitaaffii pillugit siunnersuisoqatigiiffik peqatigalugu Kalaallit Nunaanni pissutsit pillugit killiffimmik nalunaarusiamik tamanut saqqummiusseqqammerpoq.
Allanngortitsinissamik innersuussutit sukannersut arlalissuupput, tassa katillugit qulingiluat.
Ilinniarneq
Taakkua suliassaqarfiit arlallit iluanniipput, ilaatigut ilinniartitaanerup, meeqqat inuusuttullu pisinnaatitaaffiisa, innarluutilinnut atugassarititaasut kiisalu immikkoortitsisoqartarneranut naammagittaalliuuteqartarfiup iluanniillutik.
Ilinniartitaaneq tassaavoq politikkikkut qaartooriaannaajuartoq. Innuttaasut ilinniarluarsimasut naluneqanngitsutut nunap siunissaanut qularnaveeqqutit pitsaanersaraat. Kisianni tamatumani kinguaattoortoqarsimavoq. Tamanna inuit pisinnaatitaaffii pillugit ilisimatusarfimmit uparuarneqarpoq.
Ilinniartitsisunngorniarneq
Tamatumani ilinniartitsisunngorniartarnerup pitsaassusaa, nalunaarusiami isuma naapertorlugu appasippallaarujussuartoq, sammineqarpoq.
- Naalakkersuisut Ilinniarfissuarmi ilinniartitsisunngorniartarnerup aaqqissuussaanikkut ilinniagassatigullu pisariaqartunik imaqalernissaa qulakkeertariaqarpaat ilinniartitsisunik qaffasissunik piginnaasalinnik ilinniartitsisarnissaq qulakkeerniarlugu, tassungalu ilanngullugu meeqqanik immikkut pisariaqartitsisunik atuartitsisarnerup isumagineqarnissaa aaqqissuunneqarnissaalu.
Innersuussutit pillugit AG-mi atuaqqigit.