nunatsuup kissatsikkiartornera

Kalaallit Nunaat apriilimi kiarujussuarpoq

Apriilimi kiassutsikkut 12-nik rekordiliisoqarpoq

Apriilimi Qaqortumi aasarpalaarsuaq

2016-imi apriilimi Kalaallit Nunaanni kiassutsikkut arlalinnik rekordiliisoqarpoq, maannalu DMI-mi seniorklimatologip apriilimut silap qanoq issusianut paasissutissat suliarisimavai.

Malunnaatilimik

– Malunnaatilimmik rekordiliisoqarpoq. Silasiorfinni qulingiluani apriilimi agguaqatigiissillugu aatsaat taama kiatsigisoq uuttorneqarpoq. Ikinnerpaamillu silasiorfinni qulingiluani apriilimi aatsaat taama kiatsigisoq uuttorneqarpoq, DMI.dk naapertorlugu taanna oqarpoq.

Apriili kiannerpaaq

Takussutissiami kiassutsit assigiinngissutaat takusinnaavat. Siullermi 2016-imi apriilimi agguaqatigiissillugu kiassusia, aappaanilu nalinginnaasumik agguaqatigiissillugu kiassusia.

Upernavik: -4,5°C. Naling.: -13,1°C
Ilulissat: -0,6°C. Naling.: -8,2°C
Aasiaat: -1,9°C. Naling.: -9,6°C
Kangerlussuaq: +2,4°C. Naling.: -7,8°C
Sisimiut: -0,6°C. Naling.: -7,1°C
Nuuk: +1,6°C. Naling.: -3,8°C
Aputiteeq: -2,8°C. Naling.: -7,2°C
Ikerasassuaq: +1,5°C. Naling.: -0,9°C
Summit (Sermersuup qaavani): -25,3°C. Naling.: (2006-15) -32,5°C

Apriilimi kiannerpaaffiit

26. april 2016: Narsarsuarmi kiannerpaaffia 19,1°C
12. april 2016: Summit-imi -6,5°C. Silasiorfimmi tassani kiannerpaaffia nillernerpaaffialu uuttorneqarsimanngillat.
11. april 2016: Kangerlussuarmi 17,8°C.
11. april 2016: Nuummi 16,6°C.

Powered by Labrador CMS