inuulluaqqussut
Kalaallit Nunaannut juullimi inuulluaqqusineq tiguartinnartoq
DR-ip Nunatsinnut juullimut inuulluaqqussutaa DR-ikkut decembarip 17-anni takutinneqalerpat, aallakaatitassiami Karina Møllerip nipilersugaa, Tikilluarit, siullermeerluni tusaatinneqassaaq.
Naqqiut: Allaaserisap saqqummerseqqaarnerani DR-ip juullimut inuulluaqqussutaa aamma KNR-imi aallakaatinneqartussaasoq allaqqagaluarpoq. Aallakaatitassiaq taamaallaat DR1-ikkut aallakaatinneqassasoq, KNR ilisimatitsivoq, KNR aallakaatitsinissamut pisinnaatitaaffeqanngimmat.
Erinarsuut aasaanerani tassaarsuaqarneranut eqqugaasunut ikiuineruvoq.
Erinarsuut attortinnartoq
Karina Møllerip Aalborg Symfoniorkester ingiortigalugit erinarsuut attortinnartoq atormagu, ukioq manna juullimi inuulluaqqusinermi isiginnaartut 1.300-t akornanni tamani qiasoqarpoq. Isiginnaartunut Karinap tusarnaartitsinera tupaallannartuuvoq. Taanna programmimi allaqqanngilaq - taannalu scenemut qaqimmat ersaattaattut nipitunerupput.
Karina Møller ukiut 15-it matuma siorna nipilersoqatigiit Pamya peqatigalugit nunarsuaq tamangajaat tusarnaartitseqattaarfigigamiuk, nuuteeqqanillu tallimanik saqqummersitsinikuuvoq. nunarsuarmi tusaamasanngupajaarpoq. Taamani taanna Alaskami Anchoragemi najugaqarpoq, Qaqortumi inuuvoq aamma Nuummi najugaqarnikuulluni. Maanna Københavnimi najugaqarpoq.
Allaaserisaq aviisimit Sermitsiameerpoq, tassani saqqummertumi juulli sammineqarpoq. Aviisi uani ataani linki tooriarlugu isissutissarsigit: