Kalaallit Nunaannut angalanermut tunngasut
Aviisimi ullormut saqqummersartumi Informationimi ippassaq saqqummertumi Kalaallit Nunaat eqqartorluarneqalaavippoq.
Carsten Egevangep assilisai 'Naturkraft' (pinngortitap nukinga aaqq.) atsikkat aviisimi ullormut saqqummersartup Information-ip saqqaani ippassaq saqqummermata alutornarluinnarput.
Kalaallit Nunaanni angalanermut tunngassuteqarlunilu nunatsinnut paasissutissanik takornarianit alapernaaffigineqartartunit imaqarneruvoq.
Angalaneq pillugu quppersakkami quppernerit 19-it Kalaallit Nunaannut tunngassuteqarpoq. Aviisimi tapiliussat angalaffigineqarsinnaasunik allaaserisaqarput aaqqissuisullu Jakob Jørgensen Vestergaardip allaatigisatup pingaarnertut 'At turde det ukendte' (ilisimanngisat sapiissuseqarfigineri aaqq.) qulequtserlugu tikinneqarsinnaasut ilisaritippai.
- Suliaut siammarteqartariaqarpagut uatsinnut sulipilutsiinnarata. Pinngortitap mingutsinnginnissaa anguniarlugu atuinikinnerusariaqarpugut. Minnerunngitsumillu immitsinnut nunarsu ujartornitsinni nunarsuarmilu nalusatta alapernaaffiginissaannut kiffaanngissuseqartariaqarluta, allappoq.
Piniartuuneq silaannaap pissusiara allanngoriartorneranit ulorianartorsiutigineqarlersimasoq allaaserisani pingaarnerit ilaanni Carsten Egevangip aamma nassuiarpaa.