timersorneq

Kalaallit Nunaanni Timersoqatigiit Kattuffiata nunarput ataatsimoortinniarpaa

Timersortartut qineqqusaarnermut akulerupput. Nunatta inuisa 50 procentii katersussallugit Kalaallit Nunaanni Timersoqatigiit Kattuffiat piareersimavoq

GIF, repræsentantskab, 2014,
qanittukkut ataatsimeersuarnermi aalajangerpoq periusissatut suliaq aallartinniarlugu Idrættens Analyseinstitut suleqatigalugu. GIF-ip naatsorsuutigaa periusissaq nutaaq 2016-imi saqqummiussinnaassallugu, AWG 2016 kivitseqatigalugu GIF

Kalaallit Nunaani Timersoqatigiit Kattuffiata qinersinissaq pissanngalluni malinnaaffigivaa, kattuffiup generalsekretæria Carsten Olsen tusagassiorfinnut nalunaarutikkut oqarpoq. Partiillu imatut aperai.

Kina ataatsimoortitsisinnaava? Kina inernernik pitsaasunik angusaqarusuppa? Kiap peqqissuunissaq pimoorukkusuppaa? Kikkut immikkut annertunerusumik sulissuteqarusuppat, sunngiffimmi sammisaqartut tusintillit pitsaanerusumik sinaakkutitaqartinnissaannut, annertuumillu suliaqarnerannut? Politikerit tamarmik taamaaliorusussapput - apeqqutaavorli - qanoq? - Carsten Olsen oqarpoq.

Ukiut 20-30-t qaangiuppata inuiaqatigiit tanngassimaarutigissagutsigit tunngavissat naleqarluartut pilersittariaqarpavut, tamannalu ullumikkut pisariaqarpoq. Meeqqat peqqissuunissaq ilikkartariaqarpaat. Atuartut karateriginnissammut sakkussaqartariarput pitsaanerusumik. Ilinniarfinnut anginerusunut qulakkeertariaqarpargut immikkut ilisimasaqartut pigineqarnissaat, Carsten Olsen oqarpoq aperalunilu:

"Timersorneq sumut atussavarput?
Sakkoq pitsaanerpaaq nuna tamarmi ataatsimoorfiusoq. Sakkoq pitsaanerpaaq pilersissallugu ilinniagaqarneq pitsaanerusoq. Kalaallit Nunaanni Timersoqatigiit Kattuffiata politikkerit utaqqiinarusunngilai.

Kalaallit Nunaanni Timersoqatigiit Kattuffiat piareersimavoq nunatta inuisa 50%-ii timersornermut katersussallugit.
Nutaattut periusissaq tassaavoq timersornikkut misissuisitsineq. Misissuinissami piareersarnisaq saqqummiunneqarpoq kattuffiup ataatsimeersuartitsinerani 9.november 2014-mi.
Kalaallit Nunaanni Timersoqatigiit Kattuffiata suleqatigilerpaa timersornikkut misissuisitsisarfik, sapinngisamik tusarniaaffigineqassapput timersornermut attuummassuteqartut tamarmik, timersortartut, klubbit, kattuffiit, komuunit, illoqarfiit nunaqarfiillu. Timersorfiusartut, sunngiffimmi sammisaqarneq, kiisalu timersoriaatsit assigiinngitsut misissuiffigineqassapput, tamatumalu kingorna suutigut ineriartortitsineqassanersoq tikkussissalluni. Arlaatigummi oqartoqassaaq - kisamiaasit misissuisitsineq – aap – kissaateqarutta siunissaq ungasinnerusoq isigalugu timersornikkut politikkeqalernissamut nuna tamarmut atuuttutussamik, taava pisariaqarpoq sapinngisamik attuumassuteqartut amerlanerpaat apersussallugit. Piareersalertinnanimi piviusut misissorneqaqqaartariaqarmata.

Pissanganartorujussuuvoq misissuisut qanoq oqaluttuukumaaraatigut – nalunngilarpulli ilaasortarpassuatta ukioq naallugu ikinngutitik ilagalugit sungiusartartut. Qanoruna siunissami timersoriaaseq qanoq ittoq naatsorsuutigissagipput?

Kalaallit Nunaanni Timersoqatigiit Kattuffiata pilersaarut 2016 saqqummiukkumaarpaa tassanilu AWG2016 kivitseqataassaaq – tamannalu pissaaq 2015-mi siuittaasusamik qinersineqareerpat.

Kalaallit Nunaanni Timersoqatigiit Kattuffiata kikkut tamaasa kajumissaarusuppai peqataalluaqqullugit timersornikkut ineriartortitsinissamut, timersornikkut misissuisoqarfik kiisalu Kalaallit Nunaanni Timersoqatigiit Kattuffialu angalalerpata", tusagassiorfinnut nalunaarummi allassimavoq.

Powered by Labrador CMS