silassaq
Kalaallit Nunaanni sumiiffinnit 900-ni silassamik nalunaarsuinerit
DMI-p nittartakkani nutartigaa ippassaq saqqummiunneqarpoq. Kalaallit Nunaanni sumiiffippassuarni silap qanoq innissaa tassani takuneqarsinnaalerpoq
Kalaallit Nunaanni sumiiffinnit assigiinngitsorpassuarni silassaq qanoq issanersoq takuneqarsinnaalerpoq. Sumiiffinni 900-ni silassaq qanoq issanersoq takuneqarsinnaalerpoq. Tamanna sioqqullugu sumiiffiini sila qanoq issanersoq 45-ni takuneqarsinnaavoq.
DMI-p silamik nalunaarsuisarfiata nutarterneqarnerani tamanna pisinnaalerpoq. Sila qanoq issanersoq sumiiffinni assigiinngitsorpassuarni takuneqarsinnaalerpoq.
- Naalagaaffeqatigiinni innuttaasut pisariaqartitaat naapertorlugu nittartagaq nutarterneqarpoq. Ajornannginnerusumik silassap qanoq innissaata takuneqarsinnaalernissaa innuttaasunit kissaatigineqarpoq, taamaattumik Kalaallit Nunaanni, Savalimmiuni Danmarkimilu sumiiffippassuarni assigiinngitsuni sila qanoq issanersoq ajornannginnerusumik paasiniarneqarsinnaalerpoq, DMI allappoq.
Nittartagaq suli naammassivinngilaq. Aappaagu aasakkut piariivinnissaa naatsorsuutigineqarpoq.
- Periarfissiissut nutaaq dmi.dk-kkut saqqummiussinnaasarput nuannaarutigaarput. Sullissinissaq pitsaanerulersinniarlugu nutarterisoqarpoq, DMI-mi pisortaq Marianne Thyrring oqarpoq.