Piumassutsimik sulineq

Kalaallit Nunaanni Red Barnet piumassutsimik suliallit nersornaaserpai

Meeqqat Ikioqatigiit, Kalaallit Nuaanni Red Barnet, pingasunngormat aaqqissuussivoq, tassani kajumissutsimik suliaqartartup sulisimanera pillugu nersornaatisinneqarluni

Her modtager Lars Peter Danielsen Red Barnet i Grønlands frivilligspris

Lars Peter Danielsenip ukiuni arlalinni kajumissutsimik suliaqarsimanera pillugu Kalaallit Nunaanni Red Barnetip, Meeqqat Ikioqatigiit nersornaasiuttangaanik tigusisuuvoq.

Nersornaat ippassaq pingasunngornermi tunniunneqartoq, Meeqqat Ikioqatigiit tusagassiuutinut nalunaarummi allappoq.

Kalaallit Nunaanni Red Barnet-ip immikkoortortaa 2013-imi pilersinneqarpoq, tamannali ukiorpassuarnik sioqqullugu Red Barnet Kalaallit Nunaanni suliniuteqarsimavoq. Lars Peter Danielsen-itut Rebekka Olsvigitullu nammineq
piumassutsiminnik sulisut, marluullutillu ukiuni aqqaneq marlunni nammineq piumassutsiminnik sulisimanertik pillugu nalliuttorsiutigineqartut, Kalaallit Nunaanni meeqqat pitsaanerusumik atugassinniarlugit namminissarsioratik suliuarsimapput.
Allat piumassutsiminnik sulerusuttut takkussimanerat Kalaallit Nunanni Red Barnetimi nunannaarutigaarput.

- Piumassutsiminnik sulisut Red Barnet-ip sulinerani qitiupput pinngitsoorneqarsinnaanngivillutillu. "Taamaammat Kalaallit Nunaanni meeqqanut ilaqutariinnullu sanngiiffilinnut iluaqutaasumik piumassutsiminnik annertuumik sulisut nersorneqarnissaat pissusissamisoorsoraarput, Kalaallit Nunaanni Red Barnetimi siulersuisut siulittaasuat Jonna Ketwa, nersornaasiinermi oqarpoq.

Aaqqisuussinermi piumassutsiminnik sulisut suliaat pillugit siulersuisunit qutsavigineqarput ukiullu amerlasuut sulisimasut marluk nersornaaserneqarlutik. Unnuk takkuttunut nuannersumik nipilersornertalimmik nerisitsinertalimmillu ingerlanneqarpoq, paasissutissiissutigineqarpoq.

Powered by Labrador CMS