Aleqap atornerluinera
Kalaallit Nunaanni qinersisoqarnissaa Dansk Folkepartimit neriuutigineqarpoq
Naalakkersuisut siulittaasuat Aleqa Hammond sulinngiffeqarnissamik qinnuteqassaaq ullumi marlunngornermi. - Kalaallit Nunaanni innuttaasut qinerserusupput, neriuutigaaralu qinersititsinissamik suaaruteqartoqassasoq, Søren Espersen oqarpoq
Kalaallit Nunaata aningaasaqarnera ajorluinnartup tungaanukarpoq, taamaammat qinersisoqarnissaa pisariaqaraluarpoq. Politikkikkut atutsisut tungaannit aamma aalassassimaartoqarpoq, landskarsimit aningaasanik atuisimanini pillugu sulinngiffeqarnissamik qinnuteqassalluni.
Dansk Folkepartip Kalaallit Nunaat pillugu oqaaseqartartua Søren Espersen Ritzauimut oqarpoq.
- Sulinngiffeqarnissamik qinnuteqarnera partiiani eqqissiallannartuussannguatsiarpoq. Tatiginninnginnermik taasisoqarnerani parteeqataat imaassinnaasoq parteeqataasa ilaat tatiginagu aamma taaseqataasinnaalissasut. Paasisinnaanngilara sooq sulinngiffeqarnissamik qinnuteqarnersoq, imaassinnaasoq eqqissisaatissatut atussagaa, Søren Espersen oqarpoq.
- Kalaallit Nunaanni qinersisoqarnissaa innuttaasunit piumasarineqarpoq. Neriuppunga tamanna piviusunngortinneqassasoq. Kalaallit Nunaanni aningaasaqarneq innuttaasunillu sullissineq ajorluinnartup tungaanukarpoq. Kalaallit Nunaanni politikkikkut iliuuseqartoqartariaqaleraluarpoq, Søren Espersen oqarpoq.
Landskarsip aningaasaataanik Aleqa Hammond imminut atukkaminik 100.000 koruunit qaangerlugit atuivoq.
Aleqa Hammondip Naalakkersuisut siulittaasutut ivertinneqaqqaarmat Søren Espersen neriulluarsimagaluarpoq.
- Aleqa inuiaqatigiinnut sunniisinnaalluartuuvoq. Kingullermik qinersinermi taaguulluarneqarpoq. Inatsisartuni tamanna pitsaajallaataassagunarpoq, Søren Espersen Inatsisartunut qinersisoqaqqammersoq oqarpoq.
Inatsisartut ataatsimiinnerat ullumi marlunngornermi ammarneqassaaq. Aleqa Hammondip sulinngiffeqarnissamik qinnuteqarnissaa naatsorsuutigineqarpoq.
Inuit Ataqatigiit Aleqa Hammondimut tatiginninnginnermik taasititsissasut oqaatigineqartareerpoq. Taasineq ataasiinnaq illuartinneqarpat Aleqa Hammondimut illersuisut ikinnerussuteqalissapput.
Socialdemokraterne: Pisoq uggornartoq
Kalaallit Nunaanni politikkikkut pisoq pillugu Socialdemokratit Kalaallit Nunaat pillugu oqaaseqartartuata Flemming Møller Mortensenip oqaaseqarfigerusunngilaa. Pisorli Inatsisartuni uggornartuusoq oqaatigaa.
- Politikkerit misigisaat paasisinnaavara, kikkut tamat oqartussaaqataanerannik illersuisut qanoq misigisimanerat paasisinnaavara. Aamma innuttaasut ima eqqarsartut paasisinnaavakka: 'Susoqartoruna?'.
- Taamaattumik pisoq eqqissisimasumik anigorneqassasoq neriuutigaara. Kisiannili ajoraluartumik Kalaallit Nunaanni taamaattoqanngikkallarpoq, oqarpoq.