Kalaallit Nunaanni Naligiissitaanermut Siunnersuisoqatigiit siulittaasortaartut

Elisa Petersen Naligiissitaanermut Siunnersuisoqatigiinni siulittaasunngorpoq. Naalakkersuisut tusagassiuutinut taama nalunaaruteqarput.

Elisa Petersen januarip qaammataani 2015-miilli Naligiissitaanermut Siunnersuisoqatigiinni ilaasortaalersimavoq.

Kandidatitut ilinniagaqarsimasoq

Elisa Petersen atuagaateqarfilerinermi-ilisimatitsissuteqartarnermilu ilisimatusarsimavoq tamatumalu saniatigut aqutsisutut ilinniarsimalluni. Elisa Petersen Nunatta Atuagaateqarfiani pisortatut 1994-imili atorfeqarpoq.

- Naligiissitaanermut Siunnersuisoqatigiit siulittaasortaavata suleqatiginissaa qilanaaraara. Naligiissitaanermut Siunnersuisoqatigiit pingaarutilinnik suliassaqarput ilaatigut pingaartitarisussaagamikku maani inuiaqatigiinni arnat angutillu akornanni naligiissitaaneq qanoq siuarsassaneripput, Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq Sara Olsvig toqqaasoqarnerani oqaaseqarpoq nangillunilu:

- Dorthe Korneliussen qujassuteqarfigerusuppara Naligiissitaanermut Siunnersuisoqatigiinni siulittaasutut suliuniutigisimasai pillugit, ilaatigut inuiaqatigiinni angutit atugarisaasa ukkatarineqarnerat suliniutigisimammagu.

Inatsisip atuutsinneqarneri nakkutiginiarai

Elisa Peterseni 2018-ip naanera tikillugu siulittaasussaaq.

Naligiissitaanermut Siunnersuisoqatigiit ilaatigut suliassaraat "arnat angutillu akornanni naligiissitaanissamik inatsisip atuutsinneqarnerata nakkutigineqarnissaa" aamma "ingerlatanik paasissutisseerpalaartunik oqallinnermillu pilersitsisartunik aallartitsisassallutik".