ilinniarneq nutaaq
Kalaallit Nunaanni eventteknikerit siulliit naammassisut
Hans Ole Amossen aamma Angunnguaq Larsen marluullutik siullersaallutik tassunga ilinniarsimasunngorput
Annonce
Maajip 12-ni Kalaallit Nunaat eventteknikernik, tassa nipilersortuni imaluunniit isiginnaartitsisuni teknikerinik marlunnik peqalerpoq, tassami Hans Ole Amossen aamma Angunnguaq Larsen siullersaallutik tassani ilinniarsimasunngorput.
Jyllandip avannaani ilinniartut
Ilinniarneq ilaatigut EUC Nordimi Frederikshavnimi ingerlanneqarpoq, ilinniarnerup atuagarsornertaa ingerlanneqarluni, ilaatigullu kulturip illorsua Katuaq sulinermut tunngasumik ilinniarfigaat.
Katuaq maanna eventteknikerinik marlunnik ilinniartuuteqarpoq.