Friday, February 17, 2017 - 10:24

Kalaallit Nunaanni atorfittaarnissaq ajornakusoortoq

Ilinniartut kajumissaarneqartarput sivisuumik ilinniaqqullugit naammassigunillu Kalaallit Nunaannut uteqqullugit. Taavami Danmarkimi atorfimmik neqeroorfigineqarsimasut Nunatsinni neqeroorfigineqanngitsut
Assi.: Leiff Josefsen
Ilinniartut kajumissaarneqartarput sivisuumik ilinniaqqullugit naammassigunillu Kalaallit Nunaannut uteqqullugit. Taavami Danmarkimi atorfimmik neqeroorfigineqarsimasut Nunatsinni neqeroorfigineqanngitsut

Aasaru Anna Kleist Emdrupimi Danmarks Pædagosiske Universitetimi peqqissaanermik kandidatitut naammassissaaq.

Taamaalilluni Nuummi peqqissaanermik ilinniakkaminut ukiuni marlunni ilinniaqqippoq taamaalilluni atuagarsornerunermik tunuliaqutaqalerluni assersuutigalugu peqqissaavimmi peqqissaanerup piorsarnissaanut tunngasuulluni. 

Anna Kleist maannakkorpiaq Danmarkimi ilinniarpoq, naammassigunilu Nunatsinnut uteqqikkusuttupilussuulluni. Kalaallilli Nunaanni suliffeqarnikkut akimmisaartin- neqarluni misigaa. 

Periarfissat killeqartut
– Ajoraluartumik misigaara nunatsinni atorfittaarnissamut periarfissat killeqartut. Oqaatigineqartuartarpoq ilinniareerluta nunatsinnut uternissarput qanoq pingaaruteqartigisoq, atorfinnulli qinnuteqaraangatta isiginiarneqarneq ajorpugut, Anna Kleist Nuummeeqqammersoq oqarpoq.

Ungasinngitsukkut peqqissaasutut atorfimmut itigartinneqarpoq inummik misilittagaqarnerusumik atorfissaqartitsisoqarmat. 

– Peqqissaasutut ukiuni pingasuni affarmilu misilittagaqarpunga, misilittagaqannginneralu peqqutigalugit itigartinneqarnera kipiluttunarteqalugu, taanna oqarpoq.

Københavnimimi Rigshospitalimi suliniummi atorfimmut neqeroorfigitippoq qujaruppaalu Kalaallit Nunaanni atorfimmik nassaassanngikkuni. 

Allaaserisaq tamaat Sermitsiap ilinniarneq pillugu tapiliussaani atuaruk, taanna uani akeqanngitsumik atuarsinnaavat

Seneste nyheder / Nutaarsiassat kingulliit