Kalaallit nukissiuutaat facebook-imi

Nukissiorfiit facebook-ikkut maanna attaveqarfigineqalersinnaalerput. Atuisartut siunissami Nukissiorfiit inuit naapittarfiatigut attaveqarfigisinnaalerpaat.
Ilanngullugu atuisartut facebook-ikkut malinnaasut akit allannguutaannik, innaallagissiornermik nutaarsiassanik, ingerlatsiviup ulluinnarni qanoq ingerlaneranik sipaarutaasinnaasunillu siunnersuutinik paasissutissinneqartassapput.
– Nukissiorfiit suliffeqarfittut allanngoriartorput ilaatigut tamatumani pineqarpoq pisartunik sullissivitsinni pikkorinnerulernermik aamma innuttaasunik illugiilluni oqaloqateqartarnerup pitsanngorsarneqarneranik. Tamatumani pisortaagallartoq oqarpoq. pingaaruteqarluinnarpoq uagut peqataanissarput tassa innuttaasut akuuffigisaanni. Facebook pinngitsoorneqarsinnaanngilaq qanimut, illugiilluni oqaloqatigiinnermut aamma naleqarnerulernermik pilersitsinissamut, nukissiornermut pisortaagallartoq Birtha Bianco oqarpoq.
Facebookimi qupperneq marlunngormat atuutilerpoq taamanili inuit 644 nalunaareerput qupperneq pitsaagalugu “Synes godt om”. Iliuuserisamik nutaamik nalunaarummik siaruartitsiniarluni suliffeqarfiup pilerisaarutigaa unammisitsineq. Tassa Nukissiorfiit facbookimi malinnaaffiginerani qaammat ataaseq innaallagissamik atuinermik akeqanngitsumik makitsinermut peqataasoqassaaq.
Nukissiorfiup facebookimi quppernera uani nassaarisinnaavat: www.facebook.com/nukissiorfiit