ungasinngitsumi

Kalaallit nersussuataasa neqaat pisiarineqarsinnaanngujalersut

Piffissami qaninnerpaami neqit pisiniarfimmi pisiarineqarsinnaalernissaat naatsorsuutigineqarpoq

Qanittukkut neqaarniat nersussuit 25-it aattorniarlugit Narsameeqqammerput. Nersussuit taakku Neqi-mi aattorneqarput.

Piffissami qaninnerpaami neqit pisiniarfimmiilernissaat Kalaallit Nunaanni Brugsenimit naatsorsuutigineqarpoq.

Kalaallit Nunaanni Brugseni tusagassiutinut nalunaaruteqarpoq.

- Neqi alaatsinaaffigiuk. Pitsaalluinnartuuvoq. Nersussuit taakku pinngortitaassuseq malillugu kinguaassiortitaapput piumaneqarluarlutillu. Aammattaaq nersussuit neqai taakku allanut naleqqiullugit orsukinnerujussuupput, Kalaallit Nunaanni Brugsenimi niuernermik aqutsisoq Brian Weuge Chemnitz tusagassiutinut nalunaarummi oqarpoq.

Nersussuit pineqartut tassaapput Sofus aamma Suka Frederiksenip nunaateqarfianit Narsap Iluaneersut aamma Niels Lundip Qanisartuunit nunaateqarfianeersut.

- Ukiunit siuliinit nersussuit aattukkat maannakkut marloriaatinngorsimapput qilanaarpugullu pisinianut neqit pitsaasut neqeroorutigisinnaanngussagatsigit, Brian Weuge Chemnitz oqarpoq.

Powered by Labrador CMS