isumassarsititaaneq
Kalaallit nerisassiaataannut illinnartunut isummersorfik nutaaq
Nerisassiornermik nuannarisaqarluartoq Anne Nivíka Grødem nittartakkamik nutaamik saqqummersitsivoq, tassani nerisassanik nuannarinninneq, peqqissuuneq aammalu nerisassanik igitsisarneq tassani sammineqassapput
Nerisassiornermik nuannarisalik Anne Nivíka Grødem, Greenlandic Foodloverimik taalluni ukiup kingulliup ingerlanerani facebookikkut nerisassiornermut najoqqutassanik saqqummiisarpoq.
Tassanilu nerisassat ulluinnarsiutit, ajornanngitsunik peqqinnartunillu nunatsinnilu tamani pissarsarsiarineqarsinnaasunik akoqartut, sananisaannut isumassarsiaminik avitseqatiginnittarpoq.
Novembarip 14-ani nerisassiornermut tunngatitaq isummersorfik nutaaq, www.nivika.gl ammassavaa, nerisassanik nuannarinninneq, peqqissuuneq aammalu nerisassanik igitsisarneq tassani sammineqassapput.
- Nerisassiornermut najoqqutassiani nerisassat mamarunarluinnartut sanarusukkaluarlugit akussaannik pisisinnaasannginneqinuit amerlasuut misilinnikuuaat, iliuuseriniagarlu taamaatiinnartarlugu. Isummersorfiga aqqutigalugu takutikkusuppara pisiassat maani pineqarsinnaasut aamma nutaaliorluni pissanganarsaarneqarsinnaasut, Anne Nivíka Grødem tusagassiorfinnut nalunaarummini ilisimatitsivoq.
Pitsaaliuinermut ullorititaq
Kommuneqarfik Sermersuumi pitsaaliuinermut ataatsimiititaliap Nuuk Centerimi pitsaaliuinermik ulloqartitsinissaanut atatillugu isummersorfik tamanut ammasumik saqqumiunneqassaaq.
Aaqqissuussinerup timimik atuineq aammalu nalinginnaasumik peqqinnartumik inuuneqarneq sammivigissavaa. Aaqqissuussineq innuttaasut peqqinnerulernissaannut suliniummut Inuuneritta II-mut ilaavoq.
Ulloq taanna Anne Nivíka Pisiffik aningaasaliisoralugu suleqatigalugulu misilitassanik nerisassiornermilu najoqqutassanik agguaassaaq.